У пачатку лістапада — прэм'ера спектакля «Ордэн белай мышы» па Арлову
Казку-антыўтопію паставяць у Варшаве. Сярод акцёраў — Ігар Сігоў і Святлана Зелянкоўская.
«Ордэн белай мышы» — гэта тэатральны эксперымент і даследаванне гісторыі Беларусаў праз спалучэнне тэксту класіка беларускай літаратуры Уладзіміра Арлова і актуальных тэкстаў сучаснай драматургіі.
Сюжэт спектакля — прадказанне. Ён балансуе паміж фантастыкай і рэчаіснасцю, вядзе гледача ў незабыўнае падарожжа ў свет пазнання беларускіх рэалій з іх эмоцыямі і перажываннямі. Гэта размова пра час і пра сябе.
У цэнтры пастаноўкі вечны канфлікт мастака і ўлады, пытанне выбару і сумленнасці перад самім сабой. Спектакль задае пытанне кожнаму: як быць у складанай сітуацыі, дзе праходзіць мяжа паміж кампрамісам і непрымірымасцю? Герой праходзіць выпрабаванні, якія могуць прывесці да пошуку свабоды або прыняцця правілаў.
Адзін са стваральнікаў праекта расказваў, што новая пастаноўка будзе збудаваная па прынцыпе «тэатра ў тэатры»:
«У спектаклі будзе дзве п'есы — акрамя расказа Уладзіміра Арлова «Ордэн белай мышы» мы паралельна пішам тэксты і каментары кожнага акцёра як асобы. Гэта яго ўспаміны, яго расказ пра сённяшні дзень, а таксама тое, што ён думае пра будучыню».
У камандзе праекта — Ігар Сігоў, Святлана Зелянкоўская, Андрэй Бардухаеў-Арол, Дзіяна Балыка, Уладзімір Ушакоў, Раман Арлоў, Павел Семчанка, Аляксандр Вобразаў.
Прэм'ера пастаноўкі пройдзе ў Варшаве ў клубе Scena Chmielna 1,2 і 3 лістапада. Квіткі можна набыць тут.
-
У Варшаве 27 чэрвеня беларусы ладзяць купальскі «Варушняк». Сярод выступоўцаў — праект Івана Дорна
-
Памерла маладой у страшных пакутах. Медыкі змаглі паставіць дыягназ Венеры Бацічэлі па карцінах праз 500 гадоў
-
Тысячы людзей сабраліся на Купаллі ў Азярцы і Суле. Такой масавасці ніхто не прыпомніць ФОТЫ
Каментары