Пачынаюць судзіць аналітыка Андрэя Паротнікава. Яму пагражае да 20 гадоў
16 кастрычніка ў Менскім абласным судзе пачынаецца працэс над блогерам, былым міліцыянтам Андрэем Паротнікавым. Працэс будзе закрыты.
Андрэю Паротнікаву 46 гадоў. У маладосці служыў у міліцыі. Вядомы як палітычны і вайсковы аналітык, вёў уласны блог Belarus Security Blog. У 2022 годзе Андрэя Паротнікава пазбавілі звання капітана міліцыі запаса.
Пра яго затрыманне «Наша Ніва» паведамляла ў сакавіку 2023 года. Праз паўгода канал АНТ выпусціў фільм, у якім кадэбісты распавялі, у чым абвінавачваюць Паротнікава — у тым, што ён вёў свой блог і збіраў аналітыку па Беларусі, а таксама перапісваўся з калегамі-экспертамі.
У выніку яму выставілі наступнае абвінавачванне:
- «здрада дзяржаве» (ч. 1 арт. 356 КК),
- «змова або іншыя дзеянні, здзейсненыя з мэтай захопу ўлады» (ч. 1 арт. 357 КК),
- «садзейнічанне экстрэмісцкай дзейнасці» (ч. 2 арт. 361-4 КК),
- «уваходжанні ў склад экстрэмісцкага фарміравання» (ч. 3 арт. 361-1 КК)
- «перашкода здзяйсненню выбарчых правоў» (ч. 2 арт. 191 КК).
Паротнікаву можа пагражаць да 20 гадоў калоніі.
Працэс пачынаецца 16 кастрычніка 2024 года ў Мінскім абласным судзе, пасяджэнні будуць закрытыя. Судзіць эксперта будзе Вячаслаў Тулейка. Ён жа вёў працэсы над Пратасевічам і іншымі фігурантамі справы Нехта, а таксама анархістам Ігарам Аліневічам і яго паплечнікамі.
-
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына
-
Міністр Маркаў заявіў, што трэба змагацца з тымі, хто кажа пра ўшчамленне рускай ці беларускай мовы
-
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары