Яны ўдваіх зайшлі ў кабінет суддзі і зачынілі за сабой дзверы, пасля чаго пачуліся стрэлы.
У амерыканскім штаце Кентукі шэрыф адной з акругаў застрэліў акруговага суддзю проста ў будынку суда, піша Бі-бі-сі.
Паліцыя штата Кентукі абвясціла, што ў будынку суда акругі Летчэр у чацвер некалькімі стрэламі быў забіты акруговы суддзя Кевін Малінс, пасля чаго на месцы злачынства без супраціву быў затрыманы шэрыф акругі Шон Стайнс.
43-гадоваму Стайнсу выстаўленае абвінавачванне ў забойстве.
Паліцыя штата заявіла, што 54-гадовы суддзя Малінс быў застрэлены падчас спрэчкі, але пакуль не патлумачыла, пра што была спрэчка і якія маглі быць матывы стралка.
Злачынства адбылося каля двух гадзін дня па мясцовым часе ў горадзе Уайтсберг.
Як піша мясцовая газета Mountain Eagle, шэрыф Стайнс прыйшоў у прыёмную суддзі і сказаў служачым суда, што яму трэба пагаварыць з суддзёй Малінсам сам-насам.
Паводле звестак газеты, шэрыф Стайнс выйшаў у фае суда з паднятымі рукамі і здаўся паліцыі.
У будынку суда ў момант страляніны было каля 50 чалавек, ніхто з іх не пацярпеў.
Генеральны пракурор штата Расэл Коўлман запэўніў у твіце ў сетцы X, што яго ведамства старанна расследуе гэтае здарэнне і даможацца перамогі правасуддзя.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ6
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары