Генпракуратура Расіі прызнала непажаданай арганізацыяй тэлеканал «Белсат».
Тэлеканал, лічаць у ведамстве, паказваў «хлуслівыя сюжэты аб неабгрунтаванай агрэсіі супраць Украіны, нелегітымнасці ўваходжання ў склад Расіі Крыма, ДНР, ЛНР, частак Запарожскай і Херсонскай абласцей».
Пад тэрмінам «непажаданая арганізацыя» ў Расіі маецца на ўвазе замежная ці міжнародная няўрадавая арганізацыя, дзейнасць якой можа ўяўляць пагрозу асновам канстытуцыйнага ладу Расійскай Федэрацыі, абараназдольнасці краіны або бяспекі дзяржавы. Непажаданым арганізацыям забаронена весці дзейнасць на тэрыторыі РФ, за парушэнне гэтай забароны прадугледжаны адміністрацыйныя і крымінальныя меры пакарання.
У Беларусі канал яшчэ ў 2021 годзе прызналі экстрэмісцкім фармаваннем, а ўчора стала вядома пра крымінальныя справы супраць аўтараў і гасцей ток-шоу «План Б».
Некалькі журналістаў «Белсата» знаходзяцца за кратамі.
Памерла 39-гадовая экс-палітзняволеная Ганна Кандраценка. У калоніі ў яе знайшлі рак, але не вызвалілі27
Каментары