Інфармацыя пра смерць тэлепрапагандыста Яўгена Паддубнага не пацвердзілася
Пра смерць расійскага прапагандыста Яўгена Паддубнага першым паведаміў у сваім тэлеграм-канале дэпутат Дзярждумы Міхаіл Дзялягін. Пасля гэта пацвердзілі крыніцы многіх расійскіх каналаў і СМІ, хоць афіцыйнай інфармацыі пакуль няма.
UPD. Як высветлілася, Паддубны паранены, але жывы.
41-гадовы Яўген Паддубны, працуючы ва Усерасійскай дзяржаўнай тэлерадыёкампаніі (канал «Расія») асвятляў з пункту гледжання інтарэсаў Крамля практычна ўсе ваенныя канфлікты, якія Расія непасрэдна арганізоўвала ці ў якія ўвязвалася пры Пуціне: напад на Грузію ў 2008-м, вайна ў Сірыі і іншыя.
Прапагандысцкае забеспячэнне вайны ва Украіне Паддубны рабіў з самага яе пачатку, з 2014 года. У яго было больш за 700 тысяч падпісчыкаў у тэлеграм-канале.
Акрамя таго, ён быў даверанай асобай Уладзіміра Пуціна на прэзідэнцкіх выбарах у 2018 і 2024.
За блізкасць да Крамля і прапагандысцкія высілкі Паддубны быў унесены ў санкцыйныя спісы Еўрасаюза, Вялікабрытаніі, Аўстраліі.
Сёння Яўген Паддубны працаваў у Курскай вобласці, апошняе ягонае відэа было апублікавана ў 12:38.
На гэтым відэа Яўген Паддубны расказваў пра фантастычныя страты ўкраінцаў — 250 забітых і 750-1000 параненых.
Аднак выглядае, што забітым аказаўся ён сам. У ягоны аўтамабіль нібыта трапіў FPV-дрон.
Цяпер чытаюць
Малады работнік «Мінск-Арэны» павінен заплаціць 71 мільён даляраў3
Каментары