Знакамітаму акцёру нават пагражала ампутацыя нагі.
У красавіку гэтага года Тыль пачаў лячыцца ад небяспечнай для жыцця сэптыцэміі — хваробы, пры якой адбываецца заражэнне крыві. Паводле інфармацыі Bild, акцёру нават пагражала ампутацыя нагі, аднак гэтага ўдалося пазбегнуць.
Акрамя таго, у маі Швайгер трапіў у клініку ў Берліне. На гэты раз гаворка ішла пра яго сэрца. Як распавялі крыніцы з асяроддзя акцёра, Швайгеру прыйшлося імплантаваць у сэрцы стэнт — адмысловую металічную прыладу ў выглядзе трубкі. Як відаць, аперацыя спатрэбілася з-за таго, што апошнія дзесяць гадоў Швайгер шмат курыў.
У чэрвені акцёра выпісалі з берлінскай клінікі і адправілі аднаўляцца ў Гамбург, а затым на Маёрку. Калі ён канчаткова паправіцца, медыкі плануюць правесці яшчэ адну аперацыю на сэрцы.
«Ён у цудоўнай форме, вельмі матываваны і бярэцца за новыя грандыёзныя праекты. Я вельмі рады бачыць яго ў такім добрым стане. Ён на шляху да акрыяння. Самае выдатнае тое, што Тыль не піў на працягу апошніх 150 дзён», — сказаў Bild дэрматолаг Мірыям Рэбайн, які працуе з Тылем Швайгерам.
Раней нямецкі акцёр расказваў аб сур'ёзных праблемах з алкаголем, якія падарвалі яго здароўе.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў43
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1616
Каментары