Мілінкевіч назваў магчымага пераемніка Лукашэнкі, але заклікаў не перажываць
«Сілавік, якога адназначна падтрымае Масква».
У новым выпуску ТОКу Аляксандр Мілінкевіч паразважаў, хто з беларускіх чыноўнікаў можа быць пераемнікам Лукашэнкі. На яго думку, гэта, хутчэй за ўсё, будзе чалавек, якога адназначна падтрымае Масква. І ім, хутчэй за ўсё, будзе сілавік.
«Але гэта не значыць, што мы прайграем адназначна, — супакойвае палітык і тлумачыць:
Невядома, ці здолее сілавік утрымаць Беларусь. Не так лёгка яе ўтрымаць. Народ іншы. Ён не пойдзе ў дыктатуру, у казарму. І які б моцны ні быў гэты сілавік, якая б ні была падтрымка Масквы, усё роўна ў нас ёсць вялікія шанцы пры такіх пераменах.
Бывала, што і сілавікі прыходзяць [да ўлады]. Але так жа хутка могуць знікаць. І ўвогуле, паўтарыць Лукашэнку, зрабіць Лукашэнку-2 не атрымаецца, як не атрымалася зрабіць Сталіна-2 і многіх іншых дыктатараў Гэта вельмі персаналісцкая дыктатура».
Разам з гэтым палітык заўважыў, што не верыць у тое, што Лукашэнка сам перадасць уладу:
«Да канца не веру. Нават Колі сёння не перадасць. Коля замнога ў інтэрнэце сядзіць».
Глядзіце цалкам:
Каментары
Есть кандидаты, есть народ и они выбирают, или умных или дураков, зависит от того какой есть народ.