Пасажыры Беларускай чыгункі змогуць цяпер у цягніках глядзець беларускія фільмы, якія Міністэрства культуры лічыць найлепшымі, піша БелТА.
У цягніках міжрэгіянальных ліній бізнэс-класа, якія звязваюць Мінск з абласнымі гарадамі Беларусі, стала даступная паслуга прагляду фільмаў беларускага кінематографа. Праект прадставіла Міністэрства культуры, сфармаваўшы падборку фільмаў з улікам узроставых катэгорый.
Сцвярджаецца, што аглядзець у цягніку беларусы змогуць як класіку беларускага кіно, так і сучасныя фільмы. Доступ да рэсурсу можна атрымаць, падлучыўшы свой тэлефон, планшэт або ноўтбук да медыясэрвера праз Wi-Fi. Усталёўваць дадатковае праграмнае забеспячэнне на гаджэты не патрабуецца.
На гэты момант даступныя для прагляду 22 самыя папулярныя фільмы з залатога фонду «Беларусьфільма», у тым ліку карціны «Альпійская балада», «Белыя росы», «У жніўні 44-га», «Дзікае паляванне караля Стаха» і іншыя. У перспектыве колькасць фільмаў плануецца павялічваць.
За 6 месяцаў 2024 года, як сцвярджаецца, медыясэрверам скарысталіся каля 100 тысяч пасажыраў. Інфармацыя пра медыясэрвер размяшчаецца на спінках крэсла ў цягніках, дапамагчы з падключэннем могуць і праваднікі.
Цяпер чытаюць
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі7
Каментары