Гэты чалавек стаў першым у гісторыі касманаўтам, які правёў на арбіце больш за 1000 сутак
Папярэдні рэкорд складаў 878 дзён.
Расійскі касманаўт Алег Кананенка стаў першым у гісторыі чалавекам, які сумарна правёў у космасе тысячу сутак, паведаміла дзяржкарпарацыя «Раскосмас».
«Сёння ў 00.00.20 па маскоўскім часе касманаўт дзяржкарпарацыі «Раскосмас» Алег Кананенка, які працуе на Міжнароднай касмічнай станцыі, упершыню ў свеце набраў 1000 сутак па сумарнай працягласці касмічных палётаў», — адзначаецца ў паведамленні.
Алег Кананенка адправіўся ў пяты касмічны палёт 15 верасня 2023 года на караблі «Саюз МС-24» разам з расіянінам Мікалаем Чубам і амерыканкай Лорэл О'Хара. О'Хара вярнулася на гэтым жа караблі 6 красавіка з расійскім касманаўтам Алегам Навіцкім і беларускай касманаўткай Марынай Васілеўскай.
Кананенка і Чуб вернуцца на зямлю 23 верасня разам з амерыканкай Трэйсі Дайсан, якая прыляцела з Навіцкім і Васілеўскай на «Саюзе МС-25». Па завяршэнні пятай місіі на МКС сумарны налёт Кананенка складзе 1110 сутак. Папярэдні сусветны рэкорд (больш за 878 дзён), які належаў расейскаму касманаўту Генадзю Падалку, Кананенка пабіў 4 лютага.
Першы касмічны палёт Кананенка здзейсніў у 2008 годзе, другі — у 2011-2012 гадах, а трэці і чацвёрты — у 2015-м і 2018-2019 гадах. Ён узначальвае расійскі атрад касманаўтаў з 2016 года.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення17
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары