Сілавікі затрымалі жыхара Клімавічаў за тое, што ён штурхаў нагамі дзяржаўны сцяг у 2020 годзе
Блізкі да сілавікоў тэлеграм-канал апублікаваў відэа з затрыманым жыхаром Клімавічаў.
«Медыязона» знайшла старонку затрыманага ў сацсетках, там ён падпісаны як Кірыл Вазмілаў.
На камеру хлопец кажа, што ў 2020 годзе да яго дадому знаёмы прынёс дзяржаўны сцяг. Падчас распівання алкаголю затрыманы «таптаўся» па ім і «штурхаў нагамі». Пасля сцяг спалілі ў двары дома.
У канцы роліка затрыманы «перадае прывітанне» свайму брату Юрыю, які «ў 2020 годзе збег з краіны і цяпер знаходзіцца ў Польшчы».
Па якім артыкуле затрыманы хлопец і дзе цяпер знаходзіцца, невядома.
Каментары