Магутныя залевы ў Дубаі прывялі да адмены авіярэйсаў, у тым ліку ў Мінск
За двое сутак там выпала ледзь не гадавая норма ападкаў.
Моцныя залевы абрынуліся на ААЭ ў панядзелак, а ў аўторак пачалася другая хваля. Нацыянальны метэаралагічны цэнтр зафіксаваў рэкордную колькасць ападкаў за апошнія 75 гадоў. У горадзе ў Эль-Айн на ўсходзе эмірата Абу-Дабі менш чым за суткі выпала 254,8 міліметра ападкаў.
«Краіна стала сведкам выключнай падзеі ў яе кліматычнай гісторыі», — адзначаецца ў паведамленні ўрада ў сацыяльнай сетцы X.
Затопленыя буйныя аўтамагістралі і якія размяшчаюцца ў нізінах вуліцы. Шэраг дарог у Абу-Дабі, Дубаі, Шарджы і Рас-эль-Хайме перакрыты.
Вылеты авіякампаніі Flydubai былі прыпыненыя. Па даных табло прылётаў Нацыянальнага аэрапорта Мінск, рэйс FZ 1715, які павінен быў прыляцець ноччу з Дубай, таксама адменены.
Міжнародны аэрапорт Дубая (адзін з найбуйнейшых транспартных хабаў у свеце) не будзе прымаць рэйсы да паляпшэння ўмоў надвор'я.
Цяпер чытаюць
Выгнаў жонку зімой на вуліцу, забраў малую дачку: дэталі разводу касманаўта Алега Навіцкага, які, здаецца, цяпер ажаніўся з Васілеўскай36
Каментары