Аб'яднаныя Арабскія Эміраты накрылі магутныя залевы. За ноч у Дубаі выпала 30 мм ападкаў. Чакаецца, што да канца дня гэты лік вырасце да 150 мм.
У краіне аб'яўлены аранжавы ўзровень небяспекі. Міжнародны аэрапорт у Дубаі сур'ёзна падтоплены, узлётна-пасадачныя палосы апынуліся пад вадой. Рэйсы масава затрымліваюцца. У тым ліку з затрымкай ляцяць самалёты ў Мінск.
У горадзе затапіла «Дубай-мол», шэраг іншых будынкаў і нават адну са станцый метро. Вуліцы паступова ператвараюцца ў рэкі. У Дубаі не абсталяваная эфектыўная дрэнажная сістэма, паколькі такія дажджы ў гэтым рэгіёне — вялікая рэдкасць.
Улады ААЭ заклікаюць жыхароў не выходзіць на вуліцы.
Каментары