Ці можна піць квас і безалкагольнае піва за рулём? У Гродне правялі эксперымент
Міліцыя ў Гродне правяла эксперымент з алкатэстэрам: удзельнікі праверылі, ці можна садзіцца за руль пасля ўжывання валяр'янкі, кефіру, кваса, безалкагольнага піва, кавы і цукерак з лікёрам.

У большасці выпадкаў алкатэстэр паказаў 2 праміле і больш адразу пасля таго, як прадукты былі з’едзеныя або выпітыя. Такі вынік атрымаўся ў кавы 18+ з лікёрам, цукерак з алкаголем і валяр’янкі.
Найбольшыя лічбы — 2,5 праміле — паказалі вядомыя цукеркі-бутэлечкі. Але праз 10 хвілін ап’яняльны эфект сышоў на нішто.
Нечаканы вынік паказаў цёмны квас. Варта ведаць, што калі за рулём хтосьці захоча прагнаць смагу квасам, то адразу пасля піцця алкатэстэр пакажа 0,27 праміле. Праз 10 хвілін, праўда, усё выветрыцца.
А вось безалкагольнае піва сапраўды зусім бяскрыўднае: яго можна піць і адразу садзіцца за руль. Тое ж самае тычыцца і кефіру.
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс

«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

Каментары