Інцыдэнт адбыўся ў нядзелю ў аграгарадку Кадзіна. Паведамленне аб пажары паступіла ратавальнікам у 22.22.
Супрацоўнікі МНС, якія прыбылі на месца здарэння, пабачылі ахоплены полымем апарат, у пакоі было густое задымленне. Гаспадыня і яе сын выйшлі самастойна.
Высветлілася, што гіраскутар зараджаўся ад сеткі ў пакоі сына — пасля серыі хлапкоў з прыбора пайшоў дым. Жанчына адключыла зарадную прыладу і патэлефанавала ратавальнікам.
Прычына здарэння высвятляецца. Мяркуецца, што прычынай стала кароткае замыканне электрабатарэі.
Ратавальнікі папярэджваюць, што нельга пакідаць прылады з акумулятарамі на зарадцы на працягу доўгага часу, тым больш ноччу.
Каментары