Тактычныя вучэнні з баявой стральбой пройдуць адразу ў чатырох абласцях Беларусі
Вучэнні пройдуць на палігонах і ўчастках мясцовасці ў Віцебскай, Гродзенскай, Брэсцкай і Магілёўскай абласцях.
У Беларусі стартуюць брыгадныя тактычныя вучэнні з баявой стральбой, паведамляе Мінабароны.
Пачынаюцца вучэнні 9 красавіка і завершацца 11 красавіка.
Пройдуць яны на палігонах і ўчастках мясцовасці ў Віцебскай, Гродзенскай, Брэсцкай і Магілёўскай абласцях у рамках комплекснай праверкі баявой гатоўнасці злучэнняў і воінскіх часцей беларускіх узброеных сіл.
Падчас вучэнняў падраздзяленні адпрацуюць абарончыя дзеянні, у прыватнасці, адбіццё наступу ўмоўнага праціўніка, знішчэнне незаконных узброеных фарміраванняў, дыверсійна-разведвальных груп, а таксама нанясенне агнявога знішчэння перадавым атрадам праціўніка і агнявую падтрымку войскаў, якія абараняюцца.
Гэта ключавы этап праверкі боегатоўнасці.
«Па выніках праверкі падраздзяленні ацэняць на прадмет здольнасці выконваць задачы па прызначэнні ў розных умовах абстаноўкі», — гаворыцца ў паведамленні Мінабароны.
Цяпер чытаюць
Сталі вядомыя падрабязнасці пра трагедыю ў Полацкім манастыры13
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары