Стала вядома пра смерць яшчэ аднаго высокапастаўленага сілавіка
Праваабаронцы з Mayday team даведаліся пра смерць каля чатырох месяцаў таму начальніка ўпраўлення па супрацьдзеянні кіберзлачыннасці Брэсцкага УУС палкоўніка Андрэя Глінскага. Яму было 44 гады, а на пасаду ён заступіў летам 2022 года.
У міліцыі, паводле інфармацыі Mayday team, Глінскі прапрацаваў роўна 20 гадоў. Адразу пасля ўніверсітэта ён пайшоў працаваць у аддзел па барацьбе са злачынствамі ў сферы высокіх тэхналогій.
Сілавік спецыялізаваўся на крадзяжах з дапамогай фішынгу, а таксама чытаў лекцыі пра «кібертэрарызм» у Брэсцкім дзяржуніверсітэце.
У апошні год ягонае падраздзяленне займалася грамадзянамі, якія рабілі незаконныя аперацыі з крыптавалютай. Грошы ў большасці сваёй мелі крымінальнае паходжанне. У некаторых выпадках сумы канфіскацый па рашэнні сілавікоў складалі больш за паўмільёна даляраў ЗША.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў5
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары