Мастак Аляксей Кузьміч зноў вярнуўся ў Беларусь і зноў выслізнуў ад сілавікоў
У мастака памерла бабуля, і ён паехаў на развітанне. Пра свае прыгоды Аляксей Кузьміч распавёў у фэйсбуку.
«Я зноў вярнуўся ў Беларусь. На гэты раз не для мастацтва, а па падзеях сумных. Перад Новым годам памерла мая бабуля, якая была мне другой мамай. Органы даведаліся, што я ў Беларусі і завялі крымінальную справу за мой твор «Транзіт». Абʼявілі ў вышук», — піша Кузьміч.
За пару дзён да таго, як да яго дадому прыйшлі са Следчага камітэта, ён зʼехаў у вёску.
«Перад выбарамі сітуацыя абвастрылася. Пайшоў па хатах участковы. Я зразумеў, што час», — распавядае ён.
Выехаць з першай спробы не ўдалося. Аказалася, што з Расіі выезд яму таксама забаронены.
«Але шчыліну я знайшоў. І цалкам легальна зваліў….Ужо трэці раз», — піша мастак.
Мастак Аляксей Кузьміч вядомы сваімі перформансамі. У дзень прэзідэнцкіх выбараў-2020 ён быў затрыманы і збіты, эміграваў. У кастрычніку 2023 года ён выклаў відэа сваёй новай акцыі з цэнтра Мінска. Аляксей паказаў голы зад, стоячы пасярод праспекта Пераможцаў. Аказалася, ён два месяцы таемна прыбыў у Беларусі і нават зрабіў там новы пашпарт.
Мастак, які таемна зʼездзіў у Беларусь па новы пашпарт і чарговы перфоманс, працягвае троліць міліцыянтаў
У мінскую кватэру мастака Аляксея Кузьміча, які зладзіў перфоманс, прыходзіла міліцыя
«Не карыстаўся тэлефонам і стараўся не трапляць на камеры». Мастак Аляксей Кузьміч вярнуўся ў Беларусь дзеля перфомансу
«Лена 20 рублёў» узялася за старое: знакамітая махлярка зноў разводзіць даверлівых беларусаў3
Каментары