У школах ужо выкарыстоўваюць адзіны падручнік па гісторыі Беларусі і Расіі
Адзіны падручнік па гісторыі Беларусі і Расіі ўжо выкарыстоўваюць у школах. Пра гэта ў эфіры СТБ заявіў рэктар Магілёўскага дзяржаўнага ўніверсітэта імя Аркадзя Куляшова Дзяніс Дук.
«Гэты падручнік рэкамендавана выкарыстоўваць у адукацыйным працэсе ў школах як дадатковую літаратуру, як літаратуру для факультатыўных заняткаў, для паглыбленага вывучэння», — сказаў Дзяніс Дук.
На пытанне вядучай, ці мае такі падручнік замяніць беларускія, рэктар Магілёўскага ўніверсітэта адказаў адмоўна, але растлумачыў, як яно, на ягоную думку, мае быць:
«Мы жывём у саюзнай прасторы, у нас адзіная Саюзная дзяржава. Таму, вядома, у гісторыі было вельмі шмат вузлавых пунктаў, якія па-рознаму і ў нашай найноўшай гісторыі, і ў расійскай трактаваліся. Але сёння мы прыйшлі да разумення таго, што мы павінны выпрацаваць адзіныя падыходы. Гэта не значыць, што ўсе гісторыкі думаюць аднолькава, але мы грунтуемся на адзіных падыходах».
У пачатку лютага амбасадар Расіі ў Беларусі Барыс Грызлоў заявіў, што ў канцы студзеня ў Менску былі падпісаныя дакументы аб стварэнні расійска-беларускай камісіі па гісторыі. Тады ж ён сказаў, што бакі дамовіліся аб «адзіных падручніках па гісторыі як для школ, так і для ВНУ».
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары