Маск: Першы пацыент з імплантам Neuralink здольны кіраваць камп'ютарнай мышкай з дапамогай думак
У студзені кампанія Маска паспяхова імплантавала чып свайму першаму пацыенту-чалавеку, пасля атрымання ўхвалення на пробны набор людзей у верасні.
Першы пацыент — чалавек, якому імплантавалі мазгавы чып ад Neuralink, здаецца, цалкам акрыяў і здольны кіраваць камп'ютарнай мышкай з дапамогай сваіх думак, паведаміў заснавальнік стартапа Ілан Маск у панядзелак, піша Reuters.
«Прагрэс добры, і пацыент, здаецца, цалкам ачуняў, без якіх-небудзь пабочных эфектаў, якія мы ведаем. Пацыент можа перамяшчаць мыш на экране, проста думаючы», — сказаў Маск на мерапрыемстве Spaces на платформе сацыяльных медыя X.
Маск сказаў, што Neuralink цяпер спрабуе дамагчыся ад пацыента як мага большай колькасці націскаў кнопак мышкі.
У даследаванні выкарыстоўваецца робат для хірургічнага размяшчэння імплантата інтэрфейсу «мозг — камп'ютар» у вобласці мозгу, якая кантралюе намер рухацца, паведамляе Neuralink, дадаючы, што першапачатковая мэта ў тым, каб даць людзям магчымасць кіраваць камп'ютарным курсорам або клавіятурай, выкарыстоўваючы свае думкі.
Маск мае вялікія амбіцыі ў дачыненні да Neuralink, заяўляючы, што гэта палегчыць хуткую хірургічную ўстаноўку яго чып-прылад для лячэння такіх рэчаў, як атлусценне, аўтызм, дэпрэсія і шызафрэнія.
Neuralink, якая ў мінулым годзе была ацэненая прыкладна ў 5 мільярдаў даляраў, неаднаразова сутыкалася з патрабаваннямі ўважлівага вывучэння яе пратаколаў бяспекі. У мінулым месяцы агенцтва Reuters паведаміла, што фірма была аштрафаваная за парушэнне правілаў Міністэрства транспарту ЗША, якія тычацца перавозкі небяспечных матэрыялаў.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары