У Екацярынбургу ФСБ затрымала грамадзянку ЗША. Завялі справу аб дзяржздрадзе
Суд адправіў жанчыну ў СІЗА.
«У Екацярынбургу спынена супрацьпраўная дзейнасць 33-гадовай жыхаркі горада Лос-Анджэлес, якая мае двайное грамадзянства Расіі і Злучаных Штатаў Амерыкі, якая мае дачыненне да аказання фінансавай дапамогі замежнай дзяржаве ў дзейнасці, накіраванай супраць бяспекі нашай краіны», — гаворыцца ў заяве ФСБ.
На жанчыну завялі крымінальную справу аб дзяржаўнай здрадзе (арт. 275 КК РФ). Суд адправіў яе ў СІЗА, піша Бі-бі-сі.
Па сцвярджэнні расійскай спецслужбы, з лютага 2022 года, гэта значыць з моманту пачатку вайны Расіі супраць Украіны, падазраваная «ініцыятыўна ажыццяўляла зборы грашовых сродкаў у інтарэсах адной з украінскіх арганізацый», якія нібыта накіроўваліся на набыццё «прадметаў тактычнай медыцыны, экіпіроўкі, сродкаў паражэння і боепрыпасаў» для ВСУ.
ФСБ таксама паставіла ў віну жанчыне тое, што ў ЗША яна неаднаразова ўдзельнічала ў акцыях у падтрымку Украіны.
Затрыманні падазраваных у падтрымцы Украіны ў вайне з Расія адбываюцца рэгулярна, многія арыштаваныя становяцца фігурантамі спраў аб дзяржздрадзе.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары