Карл III ўпершыню з'явіўся на публіцы пасля таго, як у яго выявілі рак
Каля брамы прыватнага маёнтка, дзе знаходзіцца царква, сабралося каля сотні людзей, але на тэрыторыю іх не пусцілі.
Брытанскі кароль Карл III упершыню з'явіўся на публіцы пасля таго, як Букінгемскі палац абвясціў, што ў манарха выяўлены рак, піша Бі-бі-сі.
Кароль наведаў царкву Святой Марыі Магдаліны ў Сандрынгеме, графства Норфалк, разам са сваёй жонкай, каралевай Камілай.
Каля брамы прыватнага маёнтка, дзе знаходзіцца царква, сабралася каля сотні людзей, але на тэрыторыю іх не пусцілі.
Раней Карл выказаў сардэчную падзяку за словы падтрымкі з боку грамадскасці ў сваёй першай заяве пасля таго, як у яго дыягнаставалі гэтую хваробу.
«Як вядома ўсім, хто пацярпеў ад раку, такія добрыя пажаданні з'яўляюцца найвялікшым суцяшэннем і падтрымкай», — гаворыцца ў заяве 75-гадовага манарха.
Букінгемскі палац распавёў пра дыягназ Карла ў мінулы панядзелак.
Кароль лечыцца ад раку (якога менавіта тыпу — не выдаецца) і знаходзіцца ў сваім маёнтку ў Сандрынгеме.
Хвароба яго была выяўленая ў студзені, калі ён праходзіў лячэнне ў сувязі з павелічэннем прастаты. Прадстаўнікі каралеўскай сям'і пацвердзілі, што гэта не рак прастаты.
«Прыемна чуць, што аповяд аб маім уласным дыягназе дапамог павысіць грамадскую дасведчанасць і праліць святло на працу ўсіх тых арганізацый, якія падтрымліваюць хворых на рак і іх сем'і ў Вялікабрытаніі і ва ўсім свеце», — напісаў Карл III падзячным пасланні.
«Я заўсёды захапляўся іх нястомным клопатам пра іншых і адданасцю сваёй справе, а цяпер захапляюся яшчэ больш дзякуючы майму асабістаму досведу», — дадаў ён.
Цяпер чытаюць
КДБ даказвае, што ўзлом іх сайта і публікацыя базы даносаў былі часткай іх жа спецаперацыі3
КДБ даказвае, што ўзлом іх сайта і публікацыя базы даносаў былі часткай іх жа спецаперацыі
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі77
Каментары