Свет

«Мы за тое, каб да нас прыязджалі». Кіраўнікі Друскенік і Віленскага раёна супраць закрыцця новых прапускных пунктаў на мяжы з Беларуссю

Кіраўнікі памежных з Беларуссю горада Друскенікі і Віленскага раёна без захаплення ўспрынялі прапанову літоўскай Нацыянальнай камісіі па бяспецы аб закрыцці яшчэ двух КПП на літоўска-беларускай мяжы — Райгарда (з беларускага боку Прывалка) і Лаварышкаў (з беларускага боку Катлоўка), піша Delfi.lt.

Пункт пропуску «Лаварышкі» (з беларускага боку «Катлоўка»). Фота: news.transinfo.by

Кіраўнік Віленскага раёна Роберт Духневіч пагаджаецца, што дзяржава павінна клапаціцца пра сваю бяспеку. Аднак пры гэтым палітык заўважае — важна гарантаваць, каб у жыхароў была магчымасць наведваць сваякоў, якія жывуць за мяжой. У той жа час мэр Друскенікаў Рычардас Малінаўскас сцвярджае, што горад павінен быць адкрытым для ўсіх, у тым ліку і для турыстаў з Беларусі.

«Мы курорт. Курорт для ўсіх. Мы не ўвязваемся ў геапалітычныя пытанні, у пытанні бяспекі, гэта не наша функцыя, не наш узровень. Мы за тое, каб да нас прыязджалі адпачываць, лячыцца ўсе ахвотныя, добразычліва настроеныя людзі. А праверкай іх добразычлівасці павінны займацца спецслужбы», — сказаў Малінаўскас.

Пры гэтым Малінаўскас адзначыў, што закрыццё КПП можа паўздзейнічаць і на мясцовы бізнэс.

«Мы насамрэч дапусцілі дурныя памылкі. На сённяшні дзень я не ведаю, ці палепшаць яны становішча. Не мне вырашаць. Але, гледзячы з боку, як мы перашкаджаем уезду простых людзей, я думаю, гэтым (…) мы паказваем простым людзям наша стаўленне», — лічыць ён.

У сваю чаргу, Роберт Духневіч нагадаў, што важна не толькі клапаціцца пра бяспеку краіны, але і думаць пра сувязі жыхароў з беларускімі сваякамі.

«Мы павінны зразумець, што гэтыя тэрыторыі на мяжы цесна звязаныя сваяцтвам, і сваякі нашых грамадзян жывуць там з-за пэўных гістарычных прычын. Гаворка ідзе не пра людзей, якія ездзяць па пакупкі, яны ездзяць да сваіх сем'яў, да людзей старэйшага ўзросту. Мы павінны зрабіць так, каб праезд не быў татальна абмежаваны, у людзей павінна быць магчымасць мець зносіны з членамі сям'і», — сказаў ён.

Таксама Духневіч падкрэсліў, што трэба пакінуць шляхі і для апанентаў беларускай улады. 

Каментары

Цяпер чытаюць

Сілавікі пагражаюць коміку Усовічу, які прыехаў адпачыць на Нарач5

Сілавікі пагражаюць коміку Усовічу, які прыехаў адпачыць на Нарач

Усе навіны →
Усе навіны

Як беларусам за мяжой скасаваць шлюб, не вяртаючыся на радзіму? Спыталі ў юрысткі2

Машына ўехала ў людзей падчас параду «Ліверпуля». Пацярпелі 47 чалавек, у тым ліку дзеці8

Трамп можа ўвесці санкцыі супраць Масквы або выйсці з перамоў па Украіне — WSJ3

Падлічылі, колькі можна было б зарабіць, калі паклалі б беларускія рублі на дэпазіт год таму9

У Санкт-Пецярбургу высветлілі, чаму ў іх так часта гарэлі МАЗы і іншыя аўтобусы6

Расія ў 10 разоў нарасціла выпуск дронаў для ўдараў па ўкраінскіх гарадах4

«Ні ежу, ні гатэль не прапанавалі». Беларусы не змаглі вылецець з Масквы ў Мінск з-за чарговых абмежаванняў3

Выехаў з Беларусі былы палітвязень Андрэй Чапюк3

ДНК-спрэй — новая зброя супраць крадзяжоў1

больш чытаных навін
больш лайканых навін

Сілавікі пагражаюць коміку Усовічу, які прыехаў адпачыць на Нарач5

Сілавікі пагражаюць коміку Усовічу, які прыехаў адпачыць на Нарач

Галоўнае
Усе навіны →

Заўвага:

 

 

 

 

Закрыць Паведаміць