Тэлеграм-канал Free Zhlobin 3 студзеня паведаміў пра затрыманне начальніка аддзела спорту і турызму Жлобінскага райвыканкама Яўгена Ахрэменкі. Затрымалі чыноўніка, як сцвярджаецца, на мінулым тыдні, з 26 па 29 снежня. Прычынай сталі падпіскі ў сацсетках.
«Флагшток» патэлефанаваў па службовым нумары начальніка аддзела спорту і турызму Жлобінскага райвыканкама.
«Яго няма і не будзе ўжо. Ён не працуе ўжо тут. З пачатку новага года не працуе», — быў такі адказ.
Паводле інфармацыі Free Zhlobin, Ахрэменку прысудзілі 15 сутак адміністрацыйнага арышту.
У 2019 годзе Ахрэменка займаў пасаду загадчыка сектара спорту і турызму аддзела адукацыі, спорту і турызму Жлобінскага райвыканкама, як мінімум у 2021 годзе стаў начальнікам профільнага аддзела.
Паводле інфармацыі сайта chinovniki.info, у 2019 годзе Ахрэменка быў намеснікам старшыні ўчастковай выбарчай камісіі ўчастка для галасавання № 4 Жлобінскай выбарчай акругі № 40. Ён вылучаўся ад праўладнай Гомельскай абласной арганізацыі Сацыял-дэмакратычная партыя Народнай Згоды.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары
начальника отдела местного райсполкома зазываете высоким чиновником.
совсем мозги пропили. или их у вас не было.