Не толькі ў Беларусі. У краінах ЕС знішчылі вакцын супраць кавіду на чатыры мільярды еўра
Прынамсі 215 мільёнаў доз вакцын супраць кавіду, закупленых краінамі ЕС у разгар пандэміі, былі выкінутыя. Гэта абышлося падаткаплацельшчыкам у 4 мільярды еўра, паказвае аналіз Politico. Прычым гэта, відаць, заніжаная лічба.
З тых часоў, як у канцы 2020 года былі ўхваленыя першыя вакцыны супраць каранавіруса, краіны ЕС калектыўна атрымалі 1,5 мільярда доз (больш за тры на кожнага жыхара Еўропы). Многія з іх цяпер ляжаць на сметніках па ўсім кантыненце.
Разлікі, заснаваныя на наяўных даных, паказваюць, што краіны ЕС выкінулі ў сярэднім 0,7 ін'екцый на кожнага свайго насельніка.
На вяршыні шкалы знаходзіцца Эстонія, якая выкінула больш за адну дозу на жыхара, за ёй ідзе Нямеччына, якая таксама выкінула найбольшую колькасць неапрацаваных ін'екцый.
Калі спрагназаваць гэты сярэдні ўзровень адкідаў па астатняй частцы ЕС, то ён складзе больш як 312 мільёнаў знішчаных вакцын.
Нялёгка вызначыць, колькі вакцын было выкінута. Урады, уключаючы другую па колькасці насельніцтва краіну ЕС Францыю, неахвотна раскрываюць маштабы адкідаў.
Разлікі Politico заснаваныя на даных з 19 еўрапейскіх краін — пятнаццаці, якія далі прамыя лічбы, і чатырох, аб аб'ёмах якіх паведамлялася ў мясцовых СМІ. Некаторыя лічбы датаваныя зусім нядаўна, гэтым месяцам, самыя старыя адносяцца да снежня 2022 года.
Politico ацэньвае кошт 215 мільёнаў выкінутых вакцын больш як у 4 мільярды еўра, грунтуючыся на цэнах на вакцыны, пра якія паведамлялася ў медыя (яны не былі апублікаваныя).
Для краін, якія паведамілі толькі пра агульную колькасць знішчаных вакцын, без разбіўкі па тыпах, Politico выкарыстала сярэднюю цану 19,39 еўра, разлічаную на аснове даных, прадастаўленых краінамі.
Нагадаем, што нядаўна расказвалася, як у адной з паліклінік Гомеля знішчылі амаль 100 тысяч вакцын ад кавіду.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі13
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары