Марыяна Буданава знаходзіцца ў бальніцы.
Жонку кіраўніка Галоўнага ўпраўлення разведкі Украіны Марыяну Буданаву атруцілі цяжкімі металамі. Жанчына знаходзіцца ў бальніцы. Пра гэта «Бабелю» паведамілі крыніцы ў разведцы.
Пасля працяглага пагаршэння стану здароўя яе шпіталізавалі.
«Цяпер завяршаецца курс лячэння, далей — кантроль дактароў», — адзначыў суразмоўца ў ГУР і дадаў, што жанчыне дыягнаставалі паражэнне цяжкімі металамі.
«Гэтыя рэчывы ніякім чынам не выкарыстоўваюцца ў побыце і ваеннай справе. Іх наяўнасць можа паказваць на мэтанакіраваную спробу атручвання канкрэтнага чалавека», — адзначылі ў разведцы.
Крыніцы пацвердзілі, што на Кірыла Буданава таксама здзяйснялі замахі да і пасля поўнамаштабнага ўварвання. Цяпер вядзецца расследаванне з нагоды верагоднай спробы забойства жонкі начальніка ГУР Украіны.
Кіраўнік Галоўнага ўпраўлення разведкі Кірыл Буданаў у інтэрв'ю «Радыё Свабода» заявіў, што яго жонка цяпер пражывае разам з ім у яго працоўным кабінеце, хоць і не працуе ў ГУР. З чэрвеня 2021 года яна працуе дарадцай мэра Кіева Віталя Клічко.
Кірыл і Марыяна Буданавы пажаніліся ў жніўні 2013 года. У кастрычніку 2022 года Буданава дала інтэрв'ю ўкраінскаму часопісу Elle, у якім распавяла пра сябе. Яна паведаміла, што па адукацыі псіхолаг, з 2015-га да 2017 года займалася валанцёрскай дзейнасцю ў галоўным ваенным шпіталі на Шпітальнай у Кіеве.
Цяпер чытаюць
Стала вядома, колькі грошай атрымлівалі ад крамлёўскага фонду Лушч, Мірсалімава і Герашчанка8
Стала вядома, колькі грошай атрымлівалі ад крамлёўскага фонду Лушч, Мірсалімава і Герашчанка
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў88
Каментары