Свет66

У войску Ізраіля патлумачылі сэксізмам правал у адбіцці атакі ХАМАС: назіранні за Палесцінай у Ізраілі вядуць жанчыны

Паведамленні жанчын-вайскоўцаў аб магчымым нападзе ХАМАС у ЦАХАЛ былі праігнараваныя. Назіраннем за палесцінскімі тэрыторыямі ў войску Ізраілю займаюцца жаночыя атрады. Яны заўважылі падазроную актыўнасць баевікоў напярэдадні атакі, але камандзіры не надалі гэтаму значэння — з-за перадузятасці, піша Haaretz. Гэты артыкул пераказаў РБК.

 Пункт назірання. Фота: Israel Defense Forces

Падраздзяленне ізраільскага войска, якое займалася назіраннем за мяжой з сектарам Газа, папярэджвала камандаванне аб падазронай актыўнасці баевікоў, але гэтыя паведамленні ігнараваліся. 

Па словах вайскоўцаў, камандаванне не надавала ўвагі гэтым паведамленнямі з-за сексізму і эйджызму.

«Гэта атрад, які складаецца выключна з маладых дзяўчат і маладых жанчын-камандзіраў. Няма сумневаў, што калі б ля гэтых экранаў сядзелі мужчыны, усё было б па-іншаму», — распавёў адзін з салдат. 

У справаздачах змяшчалася інфармацыя аб падрыхтоўцы байцоў групоўкі ХАМАС па пераадоленні загарод, актыўным выкарыстанні транспартных сродкаў, абсталяванні для адключэння камер, якое раптам з'явілася. 

Групы жанчын-назіральніц уваходзяць у Корпус памежнай абароны і дзейнічаюць уздоўж межаў краіны. Іх называюць «вачамі арміі» за прадастаўленне ЦАХАЛ разведданых у рэжыме 24/7. Служачыя збіраюць інфармацыю з дапамогай камер і датчыкаў, пасля чаго перадаюць паведамленні службе разведкі. Назіраннем займаюцца толькі жанчыны, адзначала Haaretz у 2022-м. У тым годзе некалькі вайскоўцаў жаночага полу паскардзіліся газеце на грэбаванне з боку камандавання і невыносныя ўмовы службы. 

Вайсковая па імені Ілана распавяла выданню, што баевікі за два месяцы перад атакай пачалі запускаць беспілотнікі штодня, апараты блізка падляталі да агароджы. За паўтара месяца да атакі вайскоўцы заўважылі, як на адным з трэніровачных лагераў ХАМАС пабудавалі дакладную копію наглядальнага пункта ЦАХАЛ, баевікі пачалі адпрацоўваць напад на гэты абʼект. 

Паводле яе слоў, папярэджанне аб гэтым было праігнаравана. Іншы неназваны салдат распавёў, што бачыў, як у Газе пабудавалі дакладную копію танка «Меркава Марк 4» і адпрацоўвалі яго знішчэнне.

Акрамя таго, позняй ноччу 7 кастрычніка, у дзень нападу, камандаванне войска ўсё ж падняло трывогу пасля нападаў на населеныя пункты, аднак падраздзяленні назіральнікаў аб гэтым не папярэдзілі.

«ЦАХАЛ пакінула нас лёгкай здабычай. Байцы прынамсі мелі зброю і былі забітыя як героі. Жанчыны-разведчыкі былі кінутыя войскам і проста забітыя, не маючы магчымасці абараніцца», — сказала служачая па імені Яра.

Крыніцы Reuters у ізраільскіх спецслужбах прызнавалі, што падрыхтоўкі ХАМАС былі заўважаныя, аднак баевікам удалося пераканаць Тэль-Авіў у нежаданні вайны і засяроджванні на эканамічных пытаннях. Групоўка нараўне з каналамі сувязі, што праслухоўваліся Ізраілем, выкарыстоўвала тыя, пра якія ў ЦАХАЛ не ведалі. «Яны стваралі альтэрнатыўную рэальнасць», — сказаў былы намеснік кіраўніка ізраільскай Рады нацыянальнай бяспекі Эран Эцыён.

Каментары6

  • Влад
    20.11.2023
    Игнорировались сообщения не из-за сексизма , а потому что Израилю это было НУЖНО.  Они цинично пожертвовали своими гражданами чтобы был предлоги уничтожить Газу и палестинцев!
  • ???
    20.11.2023
    І калі феміністкі зараз выйдуць супраць заяў ізраільскіх палітыкаў/вайскоўцаў, то іх мабыць запішуць у спіс тэрарыстак, якія патрымліваюць хамас???
  • Sic!
    20.11.2023
    По утверждениям Euro-Med, Израиль целенаправленно убивал журналистов, вычисляя их местоположение по геометкам на съёмочной аппаратуре, которую сам им и передал.

    За 6 недель конфликта убито уже 59 журналистов - почти 1,5 в сутки. ЕвроМед утверждает, что это самый высокий показатель в современных конфликтах и считает, что Израиль совершает убийства целенаправленно - чтобы изолировать Палестину в информационном плане.

    No safe haven for media proffesionals: Israel’s genocide of Gazans results in highest rate of journalist deaths in modern history: https://euromedmonitor.org/en/article/5963/No-safe-haven-for-media-proffesionals:-Israel’s-genocide-of-Gazans-results-in-highest-rate-of-journalist-deaths-in-modern-history

Цяпер чытаюць

Фатограф-агент Мішчук расказаў сваю версію таго, што адбылося2

Фатограф-агент Мішчук расказаў сваю версію таго, што адбылося

Усе навіны →
Усе навіны

«Ужо не ведаеш, куды звяртацца». Бацька Анжалікі Мельнікавай расказаў, што яму вядома пра дачку20

Настаўніца з Кобрына расчуліла тыкток відэа з лістамі ад бацькоў

Уводзяцца новыя правілы для аўтамабільных парковак2

«Калі позву адправілі памылкова, грамадзянін павінен гэта даказаць». У Гомелі ў міліцыю выклікаюць тых, хто не парушаў закон4

Сілавікі пагражаюць коміку Усовічу, які прыехаў адпачыць на Нарач6

Як у медуніверсітэтах вырасла колькасць мэтавікоў за апошнія гады — змены істотныя

Прэзідэнт Літвы пазбавіў палітыка, які нядаўна ездзіў у Мінск, дзяржаўнай узнагароды2

«Анёл» шукае чалавека, які знік больш чым чвэрць стагоддзя таму

Віцэ-прэм'еры атрымаюць дадатковыя паўнамоцтвы1

больш чытаных навін
больш лайканых навін

Фатограф-агент Мішчук расказаў сваю версію таго, што адбылося2

Фатограф-агент Мішчук расказаў сваю версію таго, што адбылося

Галоўнае
Усе навіны →

Заўвага:

 

 

 

 

Закрыць Паведаміць