У Гродне дэмантавалі вулічныя паказальнікі з лацінкай. На выхадных турыстаў сустракалі пустыя слупы
Хваля барацьбы з лацінкай ідзе па гарадах.
Актыўнае змаганне з ужываннем лацінкі ў Беларусі пачалося ў жніўні 2022 года. Галоўныя ініцыятары — прарасійская актывістка з Гродна Вольга Бондарава і яе прыхільнікі. Інфаказачка тлумачыла, што змаганнем з лацінкай яна «абараняе краіну ад калабарантаў».
Сёлета ў красавіку была прынята пастанова «Аб перадачы назваў геаграфічных аб’ектаў з беларускай і рускай моў на іншыя мовы». Пасля гэтага лацінка стала знікаць з некаторых прыпынкаў у Мінску, а таксама з шыльдаў у метро. Днямі паказальнікі з лацінкай пачалі знікаць у Гродне.
Турыстаў, якія прыехалі ў горад у мінулыя выхадныя, сустракалі пустыя слупы. Раней на іх месціліся паказальныя знакі з назвамі вуліц і славутасцей. Зверху інфармацыя пісалася на беларускай мове кірыліцай, а ўнізе тое самае дублявалі лацінкай.
Пустыя слупы можна было ўбачыць у цэнтры Гродна.
Улады паставілі задачу цалкам прыбраць лацінку з дарожных знакаў і паказальнікаў у Беларусі да канца 2023 года.
З Гродзенскага сабора зніклі два абразы з навамучанікамі, якія пацярпелі ад бальшавіцкага тэрору — Хрысціянская візія
У мінскім метро беларускую лацінку актыўна мяняюць на расейшчыну
«Зялёная палосачка выглядае шэрым ценем на фоне вялізнага бчб-сэрца». У Бондаравай з'явіўся новы аб'ект нянавісці, як заўжды нечаканы
У Мінску адбыліся масавыя затрыманні выдаўцоў і кнігараспаўсюднікаў33
Каментары