У Мінску паказалі метанавы Geely Emgrand 7. Такія аўто могуць зацікавіць таксістаў і фірмы, але есць нюанс
На аўтамабільнай выставе «АўтаЭкспа», якая днямі праходзіла ў Мінску, «БелДжы» паказаў Geely Emgrand 7, які працуе на метане. Такі аўтамабіль дазваляе перасоўвацца ў два разы танней, чым на бензіне. Да таго ж гэта яшчэ і экалагічна.
Характарыстыкі навінкі ад «БелДжы» не раскрываюцца, як і цана. Тым не менш, выглядае, што беларуска-кітайскі вытворца настроены сур'ёзна. Прэзентацыя метанавага Geely Emgrand 7 неўзабаве адбудзецца ў РФ. Расійскай аўдыторыі аўтамабіль плануюць прадставіць на Пецярбургскім міжнародным газавым форуме, які пройдзе з 31 кастрычніка па 3 лістапада.
Звычайны Geely Emgrand 7, які працуе на бензіне каштуе ад 49 200 рублёў, што па бягучым курсе каля $14 650. Гэта робіць Emgrand адным з самых танных новых аўто, якія сёння прадаюцца на беларускім рынку. Версія, якая будзе прызначана для працы на метане, будзе каштаваць даражэй, але наўрад ці менавіта гэта значна паўплывае на попыт.
Каштуе газ-метан усяго 1 рубель 6 капеек за 1 куб. м. У той час як літр дызельнага паліва або бензіна АІ-95 — 2,37 руб. Нізкі кошт метану робіць машыны, якія на ім працуюць, вельмі прывабнымі для тых, хто шмат ездзіць.
Суразмоўца з ліку таксістаў адзначае, што многія яго калегі з цікавасцю чакаюць, калі такое аўто з'явіцца ў продажы, а галоўнае, колькі яно будзе каштаваць.
«З падобнымі тарыфамі метан можна назваць паратункам для таксістаў. Але ў працы на метанавых аўтамабілях ёсць адзін вялікі мінус — у нас вельмі мала заправачных станцый. Часам, каб заправіць аўтамабіль, трэба па 30 і болей хвілін правесці ў чарзе», — скардзіцца таксіст.
Па ягоных словах, каля 80-90% транспарту на метанавых запраўках складаюць аўтамабілі таксі.
Праблема недахопу газавых заправак з метанам не новая. У Мінску такіх заправак чатыры. Ва ўсіх абласных цэнтрах апроч Віцебска па дзве, а ў Віцебску толькі адна. Усяго па Беларусі налічваецца каля 30 заправак, дзе аўтамабіль можна заправіць прыродным газам.
У цяперашні час прыродны газ з'яўляецца самым экалагічна чыстым маторным палівам. Таму яго выкарыстанне дазваляе зніжаць не толькі выдаткі на паліва, але і выкіды шкодных рэчываў у атмасферу.
Выглядае, што для таго, каб метанавая Geely мела сапраўды вялікі попыт, прычым не толькі сярод таксістаў і арганізацый, Беларусі трэба развіваць інфраструктуру метанавых АГНКС. Бо ў іншым выпадку такія аўтамабілі будуць не цікавыя для вялікай часткі беларусаў, паколькі ў шэрагу рэгіёнаў банальна няма, дзе заправіць такі аўтамабіль.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы54
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары