«Чалавек ваяваў паўтара года, і вось такое прамаўляе». Мінская манашка расказала, як натхняла вагнераўцаў на вайну
Манашка Свята-Елісавецінскага манастыра запэўніла параненых вагнераўцаў, што ў вайне ва Украіне акупанты гінуць недарэмна. Пра паездку ў Маскву да наймітаў яна расказала 28 верасня на сястрынскім сходзе з духоўнікам манастыра Андрэем Лемяшонкам.
«Я сустрэлася з ваяром, у якога чатыры аскепкавыя раненні, на мыліцах ходзіць. У яго цяпер такі стан… З ягонага аповеду я зразумела, не толькі ў яго адзінага — у хлопцаў, якія вярнуліся з вайны, вялікая крыўда.
Ён нават казаў такія страшныя словы: гэта не нашая вайна. Уяўляеце, чалавек ваяваў паўтара года, і вось такое прамаўляе», — расказала манашка.
Гэта ўсё, маўляў, таму, што наймітаў не прызнаюць ветэранамі вайны. Яна яму спрабавала патлумачыць, што ахвяры недарэмныя, бо «тое, што цяпер адбываецца, — гэта дзякуючы вам». Але вагнеравец не хацеў ані чуць яе, ані верыць у яе словы.
Духоўнік Свята-Елісавецінскага манастыра Андрэй Лемяшонак, каментуючы сітуацыю, назваў нядаўна загінулага кіраўніка ПВК Вагнера Яўгена Прыгожына «няверным з кашаю ў галаве».
«Гэта была ўжо дзея ад ворага, ад д’ябла. Ён перавысіў свае паўнамоцтвы. Гэта было ўжо супраць Расіі. Ён быў патрыётам, але, мабыць, няверным, не царкоўным, у галаве была такая каша, што прывяла да такога вось…» — заявіў протаіерэй.
Чытайце таксама:
З Балгарыі высылаюць трох чалавек, звязаных з Беларускай праваслаўнай царквой. Хто яны?
Свята-Елісавецінскі манастыр арганізоўвае кінапрэм'еру расійскай агіткі
-
Галоўны ідэолаг Беларусі знайшоў у краіне «псеўдапатрыятычныя ячэйкі» і заклікаў да змагання з імі «адзіным баявым кулаком»
-
«Пазнаёмілася з турэцкім вайскоўцам праз інтэрнэт. Праз месяц разам сядзелі над асманска-беларускім слоўнікам Сокалава-Воюша»
-
«Сделано в Белоруссии». Сацсеткі ўзбудзіліся ад сыру загадкавага паходжання
Цяпер чытаюць
На мітынгу ў Вільні затрымалі правакатара. А Ціханоўскі заявіў пра намер дабівацца сустрэчы з Зяленскім32
Каментары