Палітзняволены Павел Ракоца цалкам адбыў тэрмін і выйшаў на волю
Прычынай для абвінавачвання Паўла Ракоцы ў распальванні сацыяльнай варожасці маглі стаць ягоныя антываенныя каментары ў сацсетках. Суддзя Анатоль Сотнікаў прызначыў Паўлу 1 год і 6 месяцаў пазбаўлення волі ў калоніі ва ўмовах агульнага рэжыму. Як паведамляе «Гомельская Вясна», цяпер палітвязень выйшаў на волю.
Павел — жыхар Гомеля, вучыўся ў Гомельскім дзяржаўным універсітэце імя Францыска Скарыны. Актыўны гулец у квіз.
З пачатку вайны ва Украіне Павел на сваёй старонцы «Вконтакте» рэзка выказваўся супраць вайны. У той час ён знаходзіўся на тэрыторыі Расіі.
Ён быў затрыманы 14 ліпеня 2022 года пасля прыезду ў Беларусь. Перад тым, як ехаць у Беларусь, сябру сказаў: «Калі я не выйду на сувязь, значыць мяне затрымалі». Спачатку Паўла ўтрымлівалі ў СІЗА КДБ у Мінску, а праз пару тыдняў перавялі ў гомельскі СІЗА-3.
У Гомельскім абласным судзе 15 лютага 2023 года над Паўлам адбыўся суд. Судзіў яго суддзя Гомельскага абласнога суда Сотнікаў Анатоль па частцы 1 артыкула 130 Крымінальнага кодэкса РБ (распальванне іншай сацыяльнай варожасці), ч. 1 арт. 368 КК РБ (абраза Лукашэнкі), арт. 369 КК РБ (абраза прадстаўніка ўлады) і прысудзіў Паўлу 1 год і 6 месяцаў пазбаўлення волі ў калоніі ва ўмовах агульнага рэжыму.
Судовы працэс праходзіў у закрытым рэжыме, таму падрабязнасці справы невядомыя.
22 траўня 2023 г. стала вядома, што палітзняволенага перавялі ў ПК № 1, што ў Наваполацку Віцебскай вобласці. А цяпер ён выйшаў на волю, адбыўшы ўвесь тэрмін.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу4
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары