Затрыманага ў Полацкім раёне былога кіраўніка таварыства беларускай культуры ў Іркуцку і ягоную жонку арыштавалі на 30 сутак. Пра гэта паведамляе «Позірк» са спасылкай на крыніцу, якая пажадала застацца неназванай.
Рашэнне вынес суд Полацкага раёна і Полацка па арт. 19.11 КаАП (распаўсюджванне экстрэмісцкіх матэрыялаў). Прычынай арышту сталі каментары Алега Рудакова і яго жонкі Вольгі ў інтэрнэце.
Паводле слоў крыніцы, Рудаковых затрымалі ў іх доме ў вёсцы Бяздзедавічы 24 жніўня.
«Міліцыя сказала, што іх адвязуць у горад «на размову» гадзіны на тры, таму яны не бралі з сабой зменных рэчаў і сродкаў гігіены. У выніку — 30 сутак кожнаму», — сказаў суразмоўца.
Алег Рудакоў нарадзіўся ў Беларусі, але больш за 30 гадоў пражыў у Расіі, стварыў і на працягу 17 гадоў узначальваў у Іркуцку таварыства беларускай культуры імя Яна Чэрскага. У 2020 годзе канчаткова вярнуўся ў Беларусь.
Ягоная жонка Вольга вядзе майстар-класы па традыцыйным беларускім арнаменце ў полацкім Музеі традыцыйнага ручнога ткацтва Паазер'я.
Цяпер чытаюць
Уводзяць адказнасць за прапаганду гомасэксуальнасці, бяздзетнасці, а таксама за незаконнае прадстаўленне Беларусі на міжнароднай арэне10
Каментары