Дзе ў Беларусі на мінулым тыдні была зафіксавана самая высокая тэмпература, расказала намесніца начальніка службы метэаралагічных прагнозаў Белгідрамета Марына Грыцкевіч.
У мінулы панядзелак, 14 жніўня, у Беларусь прыйшлі вельмі цёплыя паветраныя масы трапічнага паходжання, а разам з імі — гарачыя дні і душныя ночы. У асобныя дні тэмпературныя значэнні на большай частцы тэрыторыі краіны перасягалі +30 градусаў.
Самым гарачым днём выявіўся чацвер, 17 жніўня. У Брэсцкай вобласці ў гэты дзень паветра месцамі прагрэлася да +34, а на метэастанцыі Высокае ў Камянецкім раёне прыборы паказалі 34,1 градуса.
Ноччу мінімальныя адзнакі тэмператур вагаліся ад +14 да +22, што, па словах Марыны Грыцкевіч, на 3-9 градусаў вышэй за шматгадовыя значэнні.
Але рэкорд, тым не менш, пабіты гэтым разам не быў. Абсалютны тэмпературны максімум — +38,9 градуса — быў у Беларусі зарэгістраваны 8 жніўня 2010 года ў Гомелі.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі34
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары