І зноў «жэстачайшым чынам». Лукашэнка паабяцаў разабрацца з прыпіскамі ў вакцынацыі насельніцтва
Аляксандр Лукашэнка паабяцаў самым жорсткім чынам разабрацца з прыпіскамі пры вакцынацыі насельніцтва. Пра гэта ён заявіў на нарадзе па актуальных пытаннях развіцця Віцебскага рэгіёна, піша БелТА.
«Публічна папярэджваю Міністэрства аховы здароўя, што мы жэстачайшым чынам разбярэмся з сістэмнымі выпадкамі прыпісак і безгаспадарчасці падчас вакцынацыі насельніцтва, выяўленымі Камітэтам дзяржаўнага кантролю», — заявіў Лукашэнка.
Адной з тэм нарады стала стварэнне айчыннай супрацьвіруснай вакцыны і перспектывы пашырэння лінейкі гэтай прадукцыі на прадпрыемстве «БелВітуніфарм».
Лукашэнка пацікавіўся якасцю атрыманага беларускага прэпарата, наколькі ён дзейсны і ў якія тэрміны можна будзе закрыць патрэбнасці краіны ў вакцыне. «Пакуль вакцынуем па сутнасці чужым прадуктам», — адзначыў ён.
Цяпер чытаюць
Усіх студэнтак беларускіх ВНУ абавязалі тэрмінова запоўніць анкету з пазначэннем свайго росту36
Каментары
І традыцыйны спойлер: У выніку нарады аніводны з высокіх чыноўнікаў не пацярпеў.