Стала вядома, што выбітнага філолага Надзею Старавойтаву, затрыманую месяц таму, утрымліваюць у следчым ізалятары ў Жодзіне.
Адрас для лістоў, тэлеграмаў, бандэроляў, пасылак, грашовых пераводаў для жанчыны: 222163, г. Жодзіна, вул. Савецкая, 22а, Т-8. Старавойтавай Надзеі Пятроўне
Выкладчыцу беларускай мовы, кандыдатку філалагічных навук і дацэнтку кафедры беларускай і рускай моў Беларускага дзяржаўнага эканамічнага ўніверсітэта Надзею Старавойтаву затрымалі 24 ліпеня.
Надзея Старавойтава — выбітны філолаг, адная з найлепшых знаўцаў беларускай мовы ў краіне.
У БДЭУ Надзея Старавойтава была заўсёднай папулярызатаркай роднай мовы, удзельнічала ў літаратурных конкурсах для выкладчыкаў і студэнтаў. Надзея — аўтарка кароткага рамана «Арфаграфія без правілаў» (2008 года) і шэрагу эсэ, апавяданняў і вершаў.
Працавала яна як з беларускімі, так і з замежнымі студэнтамі, у прыватнасці, з кітайскімі, якім выкладала беларускую мову.
Увогуле беларусістычная глотадыдактыка — методыка і практыка выкладання беларускай мовы як замежнай — была адной з навуковых зацікаўленасцяў Старавойтавай. Сваім досведам у гэтым кірунку яна дзялілася ў навуковых артыкулах (іх больш за 80).
Цяпер чытаюць
Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу10
Каментары