З суда над Мажэйкам шпіталізавалі гарадзенку Святлану Рынкевіч. Уначы яна памерла ў бальніцы
Святлане Рынкевіч раптам зрабілася блага, яна асела на зямлю, хуткая забірала яе непрытомнай.
Учора з працэсу над журналістам Паўлам Мажэйкам і адвакаткай Юліяй Юргілевіч хуткая забрала Святлану Рынкевіч — гарадзенскую актывістку, напісала ў сваім фэйсбуку жонка Паўла Мажэйкі Ірына Чарняўка.
«Уначы спадарыня Святлана памерла ў шпіталі. Я знайшла толькі такую яе фота, і імя яе не адразу згадалі нашыя родныя і сябры. Хоць спадарыня Святлана была на ўсіх паседжаннях Паўла і Юліі. І на паседжаннях іншых палітычных працэсаў, іншых гарадзенцаў.
Гэта тыя маленькія нябачныя героі, якія падыходзяць, каб усміхнуцца чалавеку ў клетцы — і для многіх палітвязняў гэта адзіная ўсмешка, якую яны бачаць у судовай залі. Каб абняць маці, паціснуць руку бацьку, усё запомніць і пераказаць. Людзі-сэрцы…
Адбылося ўсё так: калі ўчора, каля 16-й суддзя зрабіў працэс Паўла і Юліі закрытым, сям'я і сябры мусілі выйсці і чакаць заканчэння паседжання ў двары перад судом. Святлане Рынкевіч раптам зрабілася блага, яна асела на зямлю, хуткая забірала яе непрытомнай.
Вядома, што ў шпіталі яна ўпала ў кому. Уночы памерла.
Святлана Рынкевіч сама прайшла праз затрыманні і страціла працу, бо ўдзельнічала ў маршах у 20-м годзе», — напісала Ірына Чарняўка.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары