Навука і тэхналогіі11

Meta запусціла новы сэрвіс Threads. Шмат хто называе яго «забойцам твітара»

Як працуе новая праграма?

Кампанія Facebook Meta запусціла новы сэрвіс Threads, які павінен скласці прамую канкурэнцыю кампаніі Twitter. У першыя сем гадзін пасля запуску на платформе зарэгістравалася каля дзесяці мільёнаў чалавек.

Па функцыянале Threads падобны да твітара і, як сказаў кіраўнік Meta Марк Цукерберг, стане яго «дружалюбным канкурэнтам».

«Спатрэбіцца час, але, думаю, наша праграма збярэ больш за мільярд карыстальнікаў. Twitter меў магчымасць зрабіць гэта, але не рэалізаваў яе. Спадзяюся, у нас атрымаецца», — сказаў Цукерберг, адказваючы на пытанне, ці стане яго новае дзецішча больш папулярным за твітар.

Паводле яго слоў, залогам поспеху Threads стане прыязная атмасфера на платформе, піша Бі-бі-сі.

«Значна больш важна падвергнуцца нападкам з боку незнаёмцаў у твітары, чым ілжываму шчасцю ў паказушным Instagram», — адказаў на гэта ўладальнік Twitter Ілан Маск.

Эксперты прадказваюць, што многія карыстальнікі твітара пяройдуць на новую платформу праз незадаволенасць зменамі, якія Маск увёў пасля куплі сацсеткі.

Ілан Маск пачаў з таго, што звольніў амаль палову супрацоўнікаў, а затым пачаў абмяжоўваць функцыянал для ўладальнікаў бясплатных акаўнтаў, спрабуючы прымусіць іх падпісацца на платную версію сэрвісу Twitter Blue.

У мінулую суботу ён увёў чарговае абмежаванне на колькасць твітаў у дзень, даступных для прагляду з бясплатных акаўнтаў.

Як працуе Threads

Threads прызначаны для абмену кароткімі тэкставымі паведамленнямі, якія, як і ў твітары, можна лайкаць, каментаваць або рэпосціць.

Допісы абмежаваныя 500 знакамі.

Спампаваць Threads можна ўжо ў 100 з лішнім краінах, але на тэрыторыі Еўрасаюза ён пакуль недаступны праз заканадаўства, якое рэгулюе лічбавы рынак.

Карыстальнікі, у якіх ужо ёсць акаўнт у Instagram, змогуць увайсці ў сістэму са сваімі ўліковымі данымі.

Спецыяльныя налады дазваляюць дубляваць кантэнт адразу на абедзвюх платформах. Гэтая функцыя ўключае допісы, спасылкі, фатаграфіі і відэаролікі працягласцю да пяці хвілін.

Таксама любыя ўліковыя запісы, якія карыстальнікі блакуюць у Instagram, аўтаматычна блакуюцца ў Threads.

Карыстальнікі Threads маюць магчымасць кантраляваць, хто можа «згадваць» іх у сваіх пастах, і мадэраваць адказы на паведамленні, якія змяшчаюць пэўныя словы.

Пакуль сістэма працуе не зусім гладка: першыя карыстальнікі паведамляюць аб праблеме з загрузкай малюнкаў. Распрацоўшчыкі вітаюць фідбэк, які дапамагае ліквідаваць непаладкі.

Meta — не адзіная кампанія на рынку, якая ўступіла ў канкурэнцыю з Twitter. Раней ужо з'явіліся такія платформы, як Mastodon, Spill і Truth Social з падобным функцыяналам і задачамі, але рэальнай пагрозай кампаніі Маска яны не сталі.

Threads між тым, па сцвярджэнні многіх экспертаў і інвестараў праекта, можа стаць сапраўдным «забойцам твітара».

Каментары1

  • Толицио
    06.07.2023
    Цукерберг - это демократичный аналог Саши 3 % на швейной машинке шить начал,поэтому все они иные ,чем все.

Цяпер чытаюць

Чаму беларусы купляюць расійскія «Лады» і чаму ад іх плююцца7

Чаму беларусы купляюць расійскія «Лады» і чаму ад іх плююцца

Усе навіны →
Усе навіны

Як беларусы адрэагавалі на тыднёвую забарону абортаў8

Расія адхіліла прапанову Трампа аб замарозцы вайны па лініі фронту27

Нідэрланды пайшлі па шляху Трампа — плануюць высылаць мігрантаў ва Уганду7

Беларуска Вера Краўцова, якую забілі ў М'янме, вылецела з Тайланда добраахвотна14

Дураў прайшоўся па Францыі і прапанаваў выкупіць выкрадзеныя з Луўра каштоўнасці5

Сарказі прыехаў у турму адбываць тэрмін. Яго суправаджала жонка Карла Бруні6

«Наталля Эйсмант можа ўсё». Арыштаваны за хабары дырэктар Палаца Рэспублікі ўжо на свабодзе і нават з новай пасадай13

МЗС Польшчы: Не можам гарантаваць, што ў выпадку пралёту над тэрыторыяй краіны самалёт Пуціна не будзе пасаджаны для арышту10

«Я трываў». Айцішнік пражыў 5 гадоў без сэксу. Чаму людзі займаюцца гэтым усё радзей?35

больш чытаных навін
больш лайканых навін

Чаму беларусы купляюць расійскія «Лады» і чаму ад іх плююцца7

Чаму беларусы купляюць расійскія «Лады» і чаму ад іх плююцца

Галоўнае
Усе навіны →

Заўвага:

 

 

 

 

Закрыць Паведаміць