Прыгожын апублікаваў шэраг антываенных калажаў, якія ўжо параўноўваюць з бальшавіцкімі
Прэс-служба заснавальніка ПВК «Вагнер» Яўгена Прыгожына апублікавала 10 калажаў пад агульнай назвай «Два светы — адзін час». Агульны іх пасыл — у той час, як расійскія вайскоўцы знаходзяцца на фронце ў жахлівых умовах і пачкамі гінуць, іншая частка Расіі жыве сваім жыццём у весялосці і раскошы.
Падобная рыторыка нагадвае антываенную агітацыю бальшавікоў часоў Першай сусветнай вайны. Тады бальшавікі таксама ціснулі на тое, што ў той час, як «просты народ» нясе вялікія страты і ахвяры, эліты імперыі працягваюць бавіць час, ні ў чым сабе не адмаўляючы.
У выніку гэтыя супярэчнасці на фоне пастаянных няўдач на фронце скончыліся рэвалюцыяй 1917 года і крахам царскага рэжыму. А пасля на некалькі гадоў разгарнулася крывавая грамадзянская вайна.
Публікацыя прэс-службай Прыгожына гэтых калажаў укладаецца ў агульную логіку канфлікту стваральніка ПВК «Вагнер» з Крамлём і расійскім Міністэрствам абароны, у рамках якога Прыгожын рабіў ужо шмат скандальных і прамалінейных заяў, у якіх абвінавачваў крамлёўскіх чыноўнікаў адкрыта, не падбіраючы слоў.
«ПВК «Вагнер» не будзе падпісваць ніякіх кантрактаў з Шайгу». Прыгожын адказаў Мінабароны РФ
Толькі наяўнымі з забаронай класці на рахункі. Стала вядома, як «вагнераўцы» плацяць грашовыя кампенсацыі сем'ям загінулых наймітаў
«Мы на сёння прайграём вайну. Дзе нашы клоўны?» Прыгожын зноў прайшоўся па Шайгу і Герасімаве і прапанаваў іх расстраляць
Цяпер чытаюць
Анатоль Котаў ужо выязджаў у Турцыю і лічыў яе бяспечнай — крыніцы2
Каментары