Грамадства2323

Былая рэдактарка Tut.by запусціла новае медыя — Plan B

Вольга Лойка, былая намесніца галоўнага рэдактара партала Tut.by, разам з камандай аднадумцаў запусціла новае медыя — Plan B. Яно пазіцыянуецца як беларускае аўтарскае медыя пра палітыку, эканоміку і сэнс жыцця беларусаў па абодва бакі мяжы.

Вольга Лойка. Фота: planbmedia.io

У прывітальным тэксце на сайце каманда новага медыя піша, што будзе рабіць навіны з сэнсам.

Кожны дзень будзе выходзіць «Сігнал дня» — важная навіна, і «Дно дня» — пра трэш, які рызыкуе стаць трэндам. Інтэрв'ю, аўтарскія калонкі, каментары, гісторыі і рэйтынгі можна будзе знайсці ў рубрыцы «Гаворым пра важнае».

На думку аўтараў праекта, заставацца ў плыні навін цяпер складана і тым, хто ўнутры, і тым, хто цяпер за межамі краіны. Але разумець, што адбываецца, важна і студэнтам, якія з'ехалі, і прадпрымальнікам, і пакінутаму дзяржсектару, які самазаспакоены міфамі пра тое, што ўсё ідзе па плане, а санкцыі робяць нас мацнейшымі.

Абяцаюць, што ў новым медыя можна будзе пачытаць аналіз таго, што адбываецца, у даступнай форме, складаныя рэчы будуць тлумачыцца чалавечай мовай, а эксперты пакажуць прычынна-выніковыя сувязі.

Галоўная рэдактарка Вольга Лойка на пытанне «Прэс-клуба Беларусь», чаму яна запускае гэта медыя, адказала:

«Мы запускаем новае медыя таму, што нам ёсць што сказаць. Таму, што можна чалавека пасадзіць, адабраць Радзіму, прафесію, працу, калег і сяброў, але забараніць яму думаць і адчуваць немагчыма. І пісаць пра гэта, наколькі магчыма.

У журналістыцы ёсць жанры, дзе нельга не назваць сябе. Я разумею калегаў, якія захоўваюць ананімнасць, але ёсць тое, што можна сказаць толькі асабіста. І аўтарскай журналістыкі цяпер дэфіцыт. Паспрабуем папоўніць». 

Да разгрому Tut.by Вольга Лойка была галоўнай рэдактаркай палітыка-эканамічнага блока партала, пасля — палітзняволенай, фігуранткай «тэрарыстычнага спіса» КДБ. Пасля вызвалення з-за кратаў пад паручальніцтва з'ехала за мяжу, а трох паручальнікаў аштрафавалі пасля на 500 базавых велічынь кожнага.

Каментары23

  • Чытач
    14.06.2023
    Патрэбна больш медыя! Так пераможам!
  • nastupoviec
    14.06.2023
    Зрабілі б ужо на беларускай :(
  • Ales
    14.06.2023
    Усё па-расейску. На жаль, гэта выглядае не як н план Бэ а план Бэк: у 'расейшчыну-матушку-імперыю'

Цяпер чытаюць

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос18

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос

Усе навіны →
Усе навіны

Жанчыну-пульманолага з 30-гадовым стажам адправілі ў калонію па трох палітычных артыкулах22

Верагоднай прычынай для прыезду Дэрула ў Мінск сталі здымкі для рэкламы катэджаў

«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце50

Рубіа: Трамп «траціць цярпенне» праз тое, што размовы з Пуціным не прыводзяць да завяршэння вайны16

Цэны на нерухомасць растуць шалёнымі тэмпамі10

Бабруйскі завод пачаў прадаваць трактарныя дэталі праз Wildberries2

Навукоўцы прааналізавалі 100 тысяч экзаменаў і вызначылі найлепшы час для іх здачы1

Тры версіі «Багіні кахання Мільды» экспануюцца адначасова ў Мінску, Варшаве і Вільні1

Будучы аб'ект Сусветнай спадчыны, які загубіла абыякавасць. Чым адметная Сцяпанкаўская царква, якая загінула ў пажары3

больш чытаных навін
больш лайканых навін

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос18

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос

Галоўнае
Усе навіны →

Заўвага:

 

 

 

 

Закрыць Паведаміць