Музычны каталог Queen можа быць прададзены за ашаламляльную суму — CNN
Крыніца агенцтва CNN назвала суму, за якую можа быць прададзены каталог песень культавага музычнага гурта Queen разам з аўтарскімі правамі. Гэты кошт можа стаць самым высокім у гісторыі продажаў музычных каталогаў.
Неўзабаве песні вядомага ва ўсім свеце гурта Queen і наогул усе работы музыкальнага калектыву могуць быць прададзеныя за касмічныя грошы. Пра гэта 28 мая паведаміла агенцтва CNN са спасылкай на сваю крыніцу.
Сцвярджаецца, што перамовы аб набыцці каталога Queen разам з ўсімі правамі на песні гурта ўжо ідуць паміж кампаніямі Universal Music Group і Disney Music Group (якая цяпер валодае каталогам), а сама здзелка будзе завершаная цягам аднаго месяца.
Крыніца сцвярджае, што кошт такой пакупкі можа складаць больш за адзін мільярд даляраў.
Калі інфармацыя CNN акажацца праўдзівай, то гэтая сума стане самай высокай, за якую калі-небудзь быў прададзены музычны каталог любога гурта.
«Несумненна, агульная сума ў больш за мільярд даляраў за музыку Queen такая высокая збольшага дзякуючы фільму «Багемская рапсодыя», які выйшаў у 2018 годзе і атрымаў прэмію «Оскар», тым самым проста адрадзіўшы папулярнасць гэтага музыкальнага гурта», — расказала неназваная крыніца агенцтва CNN.
Брытанскі музыкальны гурт Queen — адзін з самых культавых і папулярных гуртоў за ўсю гісторыю рок-н-рола. Дыскаграфія Queen налічвае 6 канцэртных і 15 студыйных альбомаў, песні з якіх займалі першыя месцы ў чартах многіх краін свету.
Чытайце яшчэ:
Беларускі гурт, які бліжэй за ўсіх быў да «Грэмі»
У Botanic Project выйшаў новы альбом
Джэй Ло, Metallica, Depeche Mode. Самыя чаканыя альбомы 2023 года
Цяпер чытаюць
Пяць мутных момантаў у гісторыі пра даносчыка Бялюціна і «спецаперацыю» КДБ8
Пяць мутных момантаў у гісторыі пра даносчыка Бялюціна і «спецаперацыю» КДБ
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі77
Каментары