Ва ўдзельніка гурта Tor Band за кратамі здарыўся рэцыдыў анкалогіі, ён не можа хадзіць
Палітзняволены музыка Яўген Бурло моцна схуднеў і не можа перасоўвацца самастойна. Выявілася, што за кратамі ў яго адбыўся рэцыдыў анкалагічнай хваробы, паведаміла «Гомельская вясна».
Ад анкалагічнага захворвання Бурло пакутаваў яшчэ да затрымання. На волі хваробу ўдавалася лячыць, а ў СІЗА яна пачала прагрэсаваць, таму цяпер Яўген, як сцвярджаюць праваабаронцы, знаходзіцца літаральна на мяжы жыцця і смерці.
Знаёмыя Яўгена распавялі, што яго маглі этапаваць у гомельскі СІЗА значна пазней, чым іншых удзельнікаў Tor Band. Таксама крыніцы падзяліліся інфармацыяй пра тое, што сваякі Яўгена Бурло звярталіся да кіраўніцтва СІЗА, каб палітзняволены мог атрымаць належнае лячэнне, але там у гэтым адмовілі.
Учора Яўген Бурло адзначаў свой дзень народзінаў у СІЗА. Яму споўнілася 32 гады.
Tor Band — рагачоўскі рок-гурт, які стаў адным з сімвалаў пратэстаў у 2020 годзе. За кратамі ягоныя ўдзельнікі знаходзяцца з 28 кастрычніка 2022 года.
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары