УСУ ўсё ж такі збілі «Кінжал», пра які раней паведамлялі ў СМІ, комплексам Patriot. Прынамсі, так заявіў камандуючы Паветранымі сіламі Украіны генерал-лейтэнант Мікалай Аляшчук.
«Віншую ўкраінскі народ з гістарычнай падзеяй! Так, мы збілі «Кінжал», які «не мае аналагаў»! Адбылося гэта падчас начной атакі 4 мая ў небе Кіеўшчыны. Ракету Х-47 запусціў МіГ-31К з тэрыторыі Расіі», — сказаў ён.
Камандуючы падкрэсліў, што не трэба загадзя распаўсюджваць інфармацыю, якой можа скарыстацца вораг.
«І яшчэ адно, не трэба, як кажуць ва Украіне, бегчы наперадзе бацькі ў пекла… Мы абавязкова паведамім, што, дзе, чым і калі збілі! Усяму свой час», — дадаў Аляшчук.
Нагадаем, учора партал Defence Express са спасылкай на Кіеўскую гарадскую ваенную адміністрацыю паведаміў аб збіцці «Кінжала», пасля чаго ў Паветраных сілах Украіны адмовіліся каментаваць гэта, заклікаўшы звяртацца да выдання і КГВА па інфармацыю.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»23
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1414
Каментары