Надвор'е

У Іспанію прыйшла афрыканская спёка — там рэкордныя для красавіка 38,7°C

Метэаралагічная служба Іспаніі ў чацвер зарэгістравала рэкордна высокую для красавіка тэмпературу. Пасля 5 вечара па мясцовым часе паветра ў раёне аэрапорта Кардовы на поўдні краіны прагрэлася да 38,7°C (Кардова і без таго лічыцца самым гарачым горадам Еўропы), піша Бі-бі-сі.

Тэрмометр
Фота: vecteezy

Сёлета красавік у Іспаніі выдаўся на рэдкасць гарачым, у сярэднім тэмпература там на 10-15 градусаў вышэй за звычайную для гэтага часу. Спецыялісты тлумачаць гэта прыходам гарачага паветра з Афрыкі, пасля чаго наступіла бязветранасць, таму спёка толькі ўзмацнялася.

«Гэта ненармальна, тэмпература паветра сёлета цалкам выйшла з-пад кантролю», — заявіў у інтэрв'ю Бі-бі-сі прадстаўнік метэаслужбы Іспаніі Каэтана Торэс.

У сувязі з небывалай спёкай школы ў Іспаніі вымушаныя мяняць расклад, цягнікі метро ў Мадрыдзе сталі хадзіць часцей, каб людзі не занадта доўга чакалі на распаленых платформах, а грамадскія басейны сёлета будуць адкрыты на месяц раней, чым звычайна, каб народ мог там астудзіцца.

Анамальныя тэмпературы, якія рэгіструюцца на гэтым тыдні ў Іспаніі, метэаролагі тлумачаць спалучэннем некалькіх фактараў.

Гарачае надвор'е, якое стаіць у Паўночнай Афрыцы, штурхае хвалю спёкі ў Еўропу. Адначасова вобласць высокага ціску над Іберыйскім паўвостравам і, як вынік, бясхмарнае неба дазваляюць сонечным промням бесперашкодна награваць глебу, якая ўжо перасохла і не можа зніжаць спякоту за кошт выпарэнняў.

Сапраўды, цяперашняй хвалі спёкі папярэднічала зацяжная засуха ў многіх раёнах Іспаніі. Да прыкладу, вадасховішчы ў басейне ракі Гвадалквівір запоўненыя толькі на 25%.

У сукупнасці ўсё гэта пагражае моцнымі і заўчаснымі для красавіка ляснымі пажарамі, прычым у зоне рызыкі знаходзяцца шырокія тэрыторыі. Летась Іспанія ўжо больш за ўсе еўрапейскія краіны пацярпела ад такіх пажараў.

Каментары

Цяпер чытаюць

Нейрасеткі робяць цуды з гістарычнай спадчынай Беларусі ШМАТ ФОТА4

Нейрасеткі робяць цуды з гістарычнай спадчынай Беларусі ШМАТ ФОТА

Усе навіны →
Усе навіны

Шмат сонца, еўрапейская архітэктура. Айцішніца расказала, чаму нізкія падаткі не ўтрымалі яе ў Сербіі3

Віленская «Дапамога» тэрмінова збірае вопратку, пасцелю, хатнія рэчы для вызваленых1

Нідэрланды, як і Ірландыя, Славенія і Іспанія, прыгразілі байкатаваць «Еўрабачанне-2026», калі ў ім будзе ўдзельнічаць Ізраіль3

Вызвалены філосаф Уладзімір Мацкевіч: Я пакуль не гатовы расказваць пра тое, што было на мяжы1

Беларусы сабралі ўжо 100 тысяч еўра на патрэбы выпушчаных на волю палітвязняў9

Гамельчука вызвалілі ад адказнасці за ўдзел у пратэстах праз тое, што ўжо прайшло пяць гадоў. Гэта такі першы вядомы выпадак5

Трамп і Пуцін могуць сустрэцца на саміце ў Малайзіі3

Затрыманы журналіст Кірыл Пазняк8

Ці сапраўды цыклічны сон дапамагае выспацца?4

больш чытаных навін
больш лайканых навін

Нейрасеткі робяць цуды з гістарычнай спадчынай Беларусі ШМАТ ФОТА4

Нейрасеткі робяць цуды з гістарычнай спадчынай Беларусі ШМАТ ФОТА

Галоўнае
Усе навіны →

Заўвага:

 

 

 

 

Закрыць Паведаміць