У Еўразійскім банку развіцця (ЕАБР) паведамілі, што індыйскія кампаніі збіраюцца ўкласці да 600 мільёнаў даляраў у беларускае прадпрыемства «Гродна Азот».
У паведамленні адзначаецца, што Індыя плануе інвеставаць пазначаную вышэй суму ў пашырэнне вытворчасці азотных угнаенняў на «Гродна Азот». Гэта робіцца для таго, каб павялічыць аб'ём паставак азотных угнаенняў з Беларусі ў Індыю.
Рэалізацыя гэтага праекта мае спрыяць развіццю міжнароднага транспартнага калідора (МТК) «Поўнач — Поўдзень». Адзначаецца, што заходняе адгалінаванне дадзенага маршруту цяпер выкарыстоўваецца для экспарту мінеральных угнаенняў у Індыю.
Эксперты ЕАБР мяркуюць, што аб'ём кантэйнерных перавозак мінеральных угнаенняў пры выкарыстанні названага МТК ужо да 2030 года можа павялічыцца ў 8-9 разоў.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары