26 сакавіка супрацоўнікі Бабруйскай інспекцыі аховы жывёльнага і расліннага свету праводзілі службовы рэйд і заўважылі ў вадаёме, які знаходзіцца паміж вёскамі Гарохаўка і Макараўка, мужчыну з віламі. І зразу здагадаліся, што той няйнакш там браканьерыць.
Калі раённыя прыродаахоўнікі накіраваліся да мужчыны, то ён кінуў вілы і паспрабаваў уцячы. Аднак яго дагналі і склалі адміністрацыйны пратакол паводле часткі 1 артыкула 16.25 КаАП (здабыча рыбы ў забаронены час альбо забароненымі прыладамі, а таксама спроба такой здабычы).
«З 1 сакавіка да 15 красавіка дзейнічала забарона на лоўлю шчупака ў сувязі з яго нерастам, — расказаў намеснік начальніка інспекцыі Ігар Рыжык. — Мужчына спрабаваў лавіць менавіта шчупака. Плюс рабіў гэта пры дапамозе забароненай колючай прылады рыбалоўства».
На шчасце мужчыны, злавіць такім спосабам ніводнага шчупака ён не змог. Калі б удалося, давялося б за кожную рыбіну плаціць па 9 базавых велічынь (288 руб.). А так яму 15 красавіка прысудзілі штраф у памеры 10 базавых велічынь — 320 рублёў.
Парушальнік — бабруйчанін 1987 года нараджэння, работнік аднаго з прадпрыемстваў горада. У яго ёсць дача непадалёк ад гэтага вадаёма.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць18
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары
Ни один суд не подпишется без добытой рыбы.