Эканоміка33

З прыходам цяпла актывізаваліся чаўнакі-веласіпедысты. Колькі яны зарабляюць за некалькі гадзін?

Колькі можна зарабіць, калі ты жывеш недалёка ад мяжы з Літвой і маеш дзейную візу і ровар? Спыталі ў веласіпедыстаў-чаўнакоў.

Ілюстрацыйны здымак

Віза як крыніца заробку

Дзейная віза або ВНЖ адной з краін ЕС даюць жыхарам беларускага памежжа не толькі магчымасць падарожнічаць па Еўропе, але і мець дадатковую крыніцу заробку. Прычым, як паказвае практыка, для таго каб займацца традыцыйным прыгранічным бізнэсам, не абавязкова мець аўтамабіль.

Пасля закрыцця «Баброўнікаў» асноўным кірункам, дзе квітнее веласіпедны рух, застаецца Літва, бо перасякаць мяжу на ровары ў пункце пропуску «Брэст-Тарэспаль» нельга. 

Тавар на перавозку чаўнакі шукаюць у адмысловых чатах або ўжо маюць кантакты з тымі, каму трэба перакінуць пакупкі праз мяжу.

«На перавозцы тавару на ровары асабліва шмат не заробіш, але сваіх 50-60 даляраў за раз атрымаеш», — прызнаецца чаўнок.

Мужчына кажа, што стандартная стаўка за перавоз адзення, на якое не трэба афармляць tax-free і дэклараваць на чырвоным канале, складае тры даляры за кілаграм. Абутак — па 3-7 даляраў за пару. Зімовая куртка— каля 10.

Скрыншот з тэлеграм-канала «ПП Берестовица-Бобровники»

«Канешне, адзення на 30 кілаграмаў наўрад ці атрымаецца набраць, але ёсць яшчэ такія рэчы, як кава, пральныя парашкі, падгузнікі, аўтамабільнае масла, за перавоз якога даюць па 10 даляраў за 4-5 літраў, і аўтазапчасткі. Таму кілаграмаў 20 дакладна набіраецца, хоць часам бывае і болей. У той бок можна правезці 2 пачкі цыгарэт і 1 літр гарэлкі. З гэтага набору таксама атрымліваецца зарабіць некалькі даляраў», — дзеліцца мужчына.

Суразмоўца сцвярджае, што праходжанне мяжы на ровары ў два бакі займае ад 1,5 да 2,5,-3 гадзін.

«Такім чынам, уся паездка займае каля паловы працоўнага дня, за які ты атрымліваеш чыстымі не менш за 50 даляраў», — падлічвае ён.

Мужчына кажа, што з Літвы нярэдка перавозяць б/у аўтазапчасткі. Таму чалавек на ровары з прывязаным да спіны капотам ці крылом ад аўтамабіля — гэта не рэдкасць.

Скрыншот з відэа на ютуб-канале pogranec.by

«Калі ў раварыста ёсць ва ўласнасці аўтамабіль, то з'яўляецца магчымасць падзарабіць на перавозцы пакрышак. Сярод іншага часам бывае патрэба ў перавозцы грошай. Натуральна, што грошы на перакід ніхто праз чаты ў тэлеграме не раздае, але, калі ёсць знаёмы, які, напрыклад, займаецца перагонам аўто, часам падварочваецца і такая халтура. Мне знаёмы перагоншчык за перавозку 10 тысяч еўра даваў 50 еўра», — згадае мужчына.

Па словах суразмоўцы, найбольшай папулярнасцю сярод веласіпедыстаў-чаўнакоў карыстаюцца раскладныя веласіпеды «Аист».

«Частка людзей пакідае ровары прышпіленымі да нейкага слупа або да дрэва, асабліва калі гэта танны ровар. Раскладныя «Аист» вельмі зручныя, бо, па-першае, у іх ёсць багажнік, а па-другое, іх зручна перавозіць на аўто», — кажа суразмоўца.

Як часта можна ездзіць праз мяжу на ровары і колькі можна зарабіць за месяц?

Асаблівых абмежаванняў на перасячэнне мяжы на ровары няма, але калі асноўная мэта — перавоз тавараў, то ездзіць трэба не часцей, чым раз на тыдзень.

Інакш нормы па колькасці тавараў, якія можна перавозіць, значна скарачаюцца.

«За месяц атрымліваецца зʼездзіць 3-4 разы. За апошнія чатыры паездкі ў суме атрымалася зарабіць амаль 300 даляраў, 50 з якіх былі за перавозку грошай, што бывае нячаста. Таму мяркую, што такая падпрацоўка ў месяц будзе прыносіць у сярэднім даляраў 200-250, што таксама не блага з улікам патрачанага на гэта часу», — лічыць суразмоўца.

Чытаце таксама: 

За паўтара года беларусаў, якія працуюць у Польшчы, стала болей амаль у два разы 

У Браслаўскім раёне ў базу «дармаедаў» унеслі 10% насельніцтва

Каментары3

  • Праўдаруб
    20.04.2023
    Вось яно як. Лука пужаў усіх 90-мі, але тыя самыя дзевяностыя наадварот вяртаюцца дзякуючы нашаму эканамісту/гісторыку/футбалісту/пагранічніку і гд.

    Але ў 90-х у людзей была надзея на светлую будучыню, а цяпер яе дакладна няма.....

    пс. менавіта дзякуючы блізасці межаў Гродна і Брэст заўжды былі больш заможнымі гарадамі ў параўнанні з Віцебскам, Гомелям і Магілёвам
  • SHOS
    20.04.2023
    Праўдаруб, за цивилизованным миром не пошли. Поводырь решил построить феодальную страну для своей семейки. Людям было похрену. Имеем то, что имеем
  • Праўдаруб
    20.04.2023
    SHOS ,ну дык ён жа чалавек слова! Сказаў, што сваю краіну за цывілізаваным светам не павядзе і не павёў!!! 

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Усе навіны →
Усе навіны

Трамп вымушана спыняе рэйды супраць імігрантаў у сельскай гаспадарцы і гатэльным бізнэсе3

Навукоўцы знайшлі просты спосаб паспрыяць росту раслін — музыка, але не кожная20

Ryanair будзе штрафаваць пасажыраў, якія парушаюць парадак1

У Гомелі 7 гадоў таму пабудавалі прыбіральню ледзь не за мільён даляраў. Як у ёй цяпер?4

У Дубаі загарэўся 67-павярховы хмарачос3

Што можа чакаць тых, каго будуць судзіць па справе «Беларускага Гаюна»?

Лукашэнка парэкамендаваў беларусам не налягаць на бульбу13

Ізраільцянам прыходзяць шпіёнскія паведамленні ад карэспандэнткі АНТ10

Усплёскі заказаў піцы каля Пентагона маглі сведчыць пра будучую атаку на Іран9

больш чытаных навін
больш лайканых навін

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Галоўнае
Усе навіны →

Заўвага:

 

 

 

 

Закрыць Паведаміць