Данілаў: Паводзіны Лукашэнкі пачынаюць здзіўляць. Мы гатовыя да любога развіцця сітуацыі
Сакратар Рады нацыянальнай бяспекі і абароны Украіны Аляксей Данілаў у эфіры нацыянальнага тэлемарафона выказаўся адносна дыверсіі супраць расійскага самалёта А-50 у Беларусі. Паводле чыноўніка, гэты самалёт цяпер у няспраўным стане, а паколькі Расія пад санкцыямі, то не факт, што яго змогуць адрамантаваць. У тым ліку і з гэтым ён звязвае і неадэкватную рэакцыю Лукашэнкі.
«У «Мачулішчах» адбылася «рэч» з самалётам РФ, які наводзіў на нашы гарады ракеты. Дзякуючы гэтаму самалёту, яны атакавалі цывільнае насельніцтва.
Паводле нашай інфармацыі, беларускія партызаны даволі моцна пашкодзілі гэты самалёт», — сказаў Данілаў.
Паводле сакратара НРБА, самалёт на сёння ў няспраўным стане, «хоць яны і кажуць, што хутка адрамантуюць».
«Але з улікам таго, што Расія пад санкцыямі, мы думаем, што ў іх гэта не атрымаецца.
Гэта выклікала такую неадэкватную рэакцыю ў Лукашэнкі. Яго паводзіны пачынаюць здзіўляць. Як будуць разгортвацца падзеі, будзем глядзець. Мы гатовыя да любога развіцця сітуацыі», — дадаў сакратар РНБА.
Цяпер чытаюць
«Мікалая білі, дзе толькі яго бачылі». Пра катаванні зняволенага анархіста Дзядка расказала адвакатка Мацкевіч2
Каментары