Свет11

Апублікаваныя першыя падрабязнасці 10-га пакета санкцый ЕС супраць Масквы

Агенцтва Bloomberg і выданне Politico паведамляюць першыя падрабязнасці штрафных мер, якія амаль дакладна ўвойдуць у чарговы, 10-ы па ліку пакет санкцый Еўрасаюза, накіраваных на спыненне вайны ва Украіне.

Пра гэтыя планы кіраўнік канцылярыі Урсулы фон дэр Ляен праінфармаваў пастаянных прадстаўнікоў краін — членаў Еўрасаюза ў Бруселі на мінулых выхадных.

У ліку падрабязнасцяў санкцыйнага пакета, якія выцяклі ў прэсу напярэдадні фармальнага абмеркавання, паведамляецца наступнае.

— Абмежавальныя меры будуць уведзены супраць яшчэ чатырох расійскіх банкаў, у тым ліку і Альфа-банка — найбуйнейшай у краіне прыватнай крэдытнай арганізацыі, якая належыць Міхаілу Фрыдману.

— Грамадзянам Расіі забароняць знаходзіцца ў радах дырэктараў «крытычна важных інфраструктурных кампаній» Еўрасаюза, у прыватнасці, у галіне здабычы, вытворчасці і пастаўкі энерганосьбітаў.

— Спіс фізічных асоб, у дачыненні да якіх дзейнічаюць персанальныя санкцыі, папоўніцца яшчэ прыкладна 130 імёнамі. У іх ліку — прадстаўнікі камандавання расійскімі войскамі, прызначаныя Масквой чыноўнікі самаабвешчаных «расійскіх рэгіёнаў», а таксама супрацоўнікі лаяльных Маскве прапагандысцкіх СМІ накшталт RT.

— Дадатковыя забароны плануецца ўвесці на імпарт у ЕС расійскага каўчуку, а таксама асфальту або бітуму (або іншых прадуктаў перапрацоўкі нафты).

— У Расію хочуць забараніць увозіць грузавыя аўтамабілі, іншыя цяжкія транспартныя сродкі, помпы і іншае абсталяванне, якое выкарыстоўваецца ў будаўнічым сектары.

Politico таксама ўдакладняе, што з высокай доляй верагоднасці ў пакет будуць уключаны дадатковыя забароны на экспарт электронных кампанентаў падвойнага прызначэння — гэта значыць тых, што могуць быць выкарыстаны для вытворчасці зброі.

Каментары1

  • цікаўны
    13.02.2023
    Мабыць, трэба, каб "іскэндэры", "кінжалы" і да т.п. паляцелі на Брусель, Берлін, Парыж. Мо тады нарэшце высакалобыя еўракамісары перастануць абмяркоўваць, раіцца, спрачацца, дыскутаваць наконт санкцый ды ўрэшце займуцца сапраўднай справаю па знішчэнні расейскае арды.

Цяпер чытаюць

У фінскім серыяле расіяне высаджваюць дэсант з самалёта «Белавія». Што робяць Суомі?

У фінскім серыяле расіяне высаджваюць дэсант з самалёта «Белавія». Што робяць Суомі?

Усе навіны →
Усе навіны

Лукашэнка на нарадзе пра кіно: Без вас мы можам абысціся. Вас няма11

56-гадовую віцяблянку будуць судзіць за порнастрымы ў інтэрнэце10

Прайшоў другі этап абмену расійска-ўкраінскага абмену ваеннапалоннымі. Абмянялі і аднаго беларуса2

Стала вядома, каго з расійскіх вайскоўцаў лячылі ў бальніцах Гомельшчыны ў пачатку вайны13

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца23

«Вы за ўсё адкажаце». Беларусам на прайдзе ва Уроцлаве таксама пагражалі невядомыя55

«Вакол вайна, вакол бушуе. Вазьміце Фінляндыю». Лукашэнка прачытаў кіношнікам лекцыю па міжнародным становішчы10

Еўракамісія прапануе знізіць верхнюю мяжу цаны на нафту1

Telegram: Мы ніколі не раскрывалі прыватныя паведамленні трэцім асобам7

больш чытаных навін
больш лайканых навін

У фінскім серыяле расіяне высаджваюць дэсант з самалёта «Белавія». Што робяць Суомі?

У фінскім серыяле расіяне высаджваюць дэсант з самалёта «Белавія». Што робяць Суомі?

Галоўнае
Усе навіны →

Заўвага:

 

 

 

 

Закрыць Паведаміць