У Мсціславе ў гэтым годзе распачнуць рэканструкцыю забудовы XII—XIV стагоддзяў на Замкавай гары
Пра гэта карэспандэнту БелТА расказала начальніца аддзела ідэалагічнай работы, культуры і па справах моладзі Мсціслаўскага райвыканкама Наталля Біскуп.
Замкавая гара ў Мсціславе — сапраўдная візітная картка не толькі раёна, але і ўсёй Магілёўскай вобласці. Гэта гісторыка-археалагічны помнік і музей пад адкрытым небам.
«У гэтым годзе плануем прыступіць да рэканструкцыі забудовы на Замкавай гары. Грашовыя сродкі для гэтых работ ужо атрыманыя. Цяпер мы знаходзімся на этапе карэкціроўкі праектна-каштарыснай дакументацыі, так як яна распрацоўвалася яшчэ ў 2016 годзе і на сённяшні дзень страціла актуальнасць. Працуем у цеснай звязцы з Міністэрствам культуры — гэта ж гісторыка-археалагічны помнік, аб’ект не просты. Заказчыкам выступае УКБ», — распавяла Наталля Біскуп.
Па яе словах, карэкціроўкі і ўзгадненне ПКД зоймуць некалькі месяцаў, пасля гэтага на Замкавай гары пачнуцца рэканструкцыйныя работы. Яны будуць падзеленыя на некалькі этапаў. Да канца гэтага года плануецца завяршэнне будаўніча-мантажных работ аб’ектаў на Замкавай гары.
«Мы хочам захаваць трохпавярховасць вежы данжон. Трэба прывесці ў парадак Замкавую гару не толькі як помнік археалогіі, але і як месца, дзе збіраецца вялікая колькасць людзей на рыцарскі фестываль. У працах неабходна ўлічваць усе неабходныя патрабаванні бяспекі. Задача стаіць няпростая, але наша галоўная мэта — захаваць для цяперашняга пакалення і нашых нашчадкаў важны гістарычны аб’ект», — адзначыла яна.
-
У Гродне вырашаюць, як аднавіць Каложу, каб яе не адмовіліся ўзяць у спіс ЮНЕСКА
-
Такога дзіцячага садка вы яшчэ не бачылі. Яго спраектаваў лаўрэат «архітэктурнага Нобеля»
-
Страчвала прытомнасць ад голаду, зарабляла на жыццё масажам — захапляльныя факты з біяграфіі Алаізы Пашкевіч, якой сёння 150 гадоў
Цяпер чытаюць
Былы міністр культуры Руслан Чарнецкі знайшоў сабе падпрацоўку9
Каментары