З'явілася магчымасць прыбіраць сваіх былых з сумесных фатаграфій
У фотарэдактар Picsart дадалі інструмент AI Replace My Ex, які дапаможа пазбавіцца ад непажаданых людзей на вашых здымках.
Каманда распрацоўшчыкаў Picsart, платформы для рэдагавання фота і відэа, выпусціла для свайго дадатку новы інструмент AI Replace My Ex.
Ён пры дапамозе нейрасетак можа прыбіраць і замяняць былога хлопца ці былую дзяўчыну на сумесных фатаграфіях.
«Знаёмая гісторыя: у вас ёсць фота, на якім вы выглядаеце вельмі міла, але яно сапсаванае прысутнасцю кагосьці, каго больш няма ў вашым жыцці. Вы б хацелі не бачыць і не думаць пра яго, і цяпер для гэтага неабавязкова выдаляць сотні і тысячы сумесных фота. У Picsart ёсць вельмі простае і цікавае рашэнне», — паведамляюць распрацоўшчыкі праграмы.
AI Replace My Ex дазваляе без якіх-небудзь дызайнерскіх навыкаў за некалькі секунд замяняць былых каханых на любыя іншыя аб'екты: багет, сцяг, змяю, сабаку і многае іншае.
Для гэтага трэба проста выбраць у дадатку інструмент і абвесці чалавека пэндзлем на любой сумеснай фатаграфіі, а затым напісаць, на каго ці на што яго замяніць.
На жаль, функцыя замены ў Picsart на гэты момант даступная толькі для iOS.
Чытайце яшчэ:
Што такое ChatGPT і чаму да яго ставяцца неадназначна?
«Нанесла мне эмацыйную траўму і выклікала дэпрэсію». Мужчына падаў у суд на сяброўку з-за адмовы стаць яго дзяўчынай
Google стварыў нейрасетку MusicLM, якая можа генераваць музыку па апісанні карыстальніка
-
Жонка прэм'ера Арменіі Нікола Пашыняна паведаміла, што іх грамадзянскі шлюб завершаны
-
Што каштоўнейшае для людзей, сэкс ці блізкасць? Даследчыкі пераконваюць, што блізкасць перамагае, бо яе нельга купіць
-
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе
Каментары