Мурал з'явіўся непадалёк ад беларускага пасольства ў літоўскай сталіцы.
Гэта будынак па адрасе Naugarduko, 7.
Ініцыявала праект Міністэрства замежных спраў Літвы, падтрымала яго «Вясна», а рэалізавалі мастакі з лабараторыі «Kiaurai sieńs» і калектыву «Gyva Grafika». Сродкі на праект дала Літва.
«Гэта не толькі магчымасць увекавечыць выдатную асобу, але і магчымасць пагаварыць пра тое, што хвалюе мяне і многіх свабодалюбных людзей па ўсёй Літве», — казала раней Ліна Шліпавічуце, аўтарка працы і кіраўніца «Kiaurai sieńs».
На адкрыцці графіці (нэафрэскі) былі віцэ-міністр Мантас Адоменас, дарадца Ціханоўскай Франак Вячорка і іншыя прадстаўнікі Офіса, сябры Бяляцкага і праваабаронцы.
«Я не магу без хвалявання тут стаяць, бо ззаду вочы Алеся, які з нямым дакорам глядзіць на той бок вуліцы, дзе шэрыя сцены нашага пасольства. Мы часта тут праводзім акцыі, хочам дагрукацца да ўладаў Беларусі. Алесь Бяляцкі цаной сваёй свабоды змог вывесці з-пад удару практычна ўвесь калектыў «Вясны», які працягвае сваю дзейнасць у многіх краінах», — адзначыў на адкрыцці паэт і праваабаронца Сяржук Сыс.
Алесь Бяляцкі быў у гэтым годзе ганараваны Нобелеўскай прэміяй міру. Ад ліпеня 2021 года ён знаходзіцца ў турме.
-
Блогер «Жыве», якога вызвалілі ў Беларусі праз літоўскае грамадзянства: Я пабачыў пісталет, накіраваны на мяне, і на дыскусіі ўжо не было часу
-
Школу для дзяцей з псіхічнымі асаблівасцямі ў Мінску пераробяць у кадэцкае вучылішча. Да рэалізацыі ішлі 18 гадоў
-
«Я адразу закахалася ў ягоныя вочы». Жонка-украінка і сябар расказваюць пра загінулага беларускага добраахвотніка Васіля «Дзіра» Рапіцкага
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads13
Каментары